Á döfinni

Landsfundur Sjálfstæðisflokksins samþykkti ályktun um fjármál heimilanna.
Í henni segir meðal annars:

• Sjálfstæðisflokkurinn vill endurskoða lög nr. 151/2010 sem ríkisstjórnin setti í kjölfar ólöglegu gengislánanna. Lagasetningin hefur aukið á óvissu, kallað á málaferli og skaðað stöðu lánþega. …
• Sjálfstæðisflokkurinn vill færa niður höfuðstól verðtryggðra og gengistryggðra húsnæðislána. Þessi aðgerð og önnur endurskipulagning skulda heimilanna er forsenda fyrir auknum hagvexti og framtíðaruppbyggingu íslensks þjóðfélags. …
• Landsfundur Sjálfstæðisflokksins krefst þess að skipan húsnæðis- og neytendalána verði með sama hætti og annars staðar á Norðurlöndunum, Bretlandi og Þýskalandi. Tryggja verður virka samkeppni á lánamarkaði vegna húsnæðiskaupa, sem getur leitt til að vextir og gjaldtaka lánastofnana verði með svipuðum hætti og í nágrannalöndum okkar. Verðtrygging neytendalána á ekki að vera valkostur í nútímasamfélagi.

Hagsmunasamtök heimilanna vilja biðja lántakendur sem eru í samskiptum við Dróma um að senda tilkynningu/kvörtun sem hægt er að nota til að víkja slitastjórninni frá.
Stjórn mun safna saman erindum og útbúa beiðni til héraðsdómara um að víkja frá slitastjórn Dróma og skipa nýja í krafti þeirra kvartana sem berast.

Auglýst er eftir athugasemdum um störf slitastjórnar, stuttri greinargerð frá hverjum og einum þar sem getið er um málavaxtalýsingu, afgreiðslu og yfir hverju er kvartað með dagsetningum og undirritað af viðkomandi.

Staðlað form til útfyllingar er sent hérna með og getur lántakandi valið að senda formið undirritað í pósti til okkar á Frakkastíg 27, húsi Tækniskólans, 101 Rvk.
Eins bjóðum við að fólk afhendi formið til Gunnars Magnússonar stjórnarmanns í HH sem verður á skrifstofu samtakanna  í Tækniskólanum, jarðhæð, á þriðjudaginn og fimmtudaginn í þessari og næstu viku frá kl. 13-16.

Lög um slitastjórnir

Kvörtun sem hlaða má niður og breyta og senda til okkar undirritað á

Hagsmunasamtök heimilanna, Frakkastíg 27, húsnæði Tækniskólans, 101 Rvk.

Vegna mikillar eftirvæntingar Hagsmunasamtaka heimilanna (HH) yfir því að nú sé loks að koma Hæstaréttardómur um ólöglega afturvirkni endurútreikninga á gengistryggðu láni sem Sjómannafélag Íslands er með gegn Arion banka hafa fulltrúar HH nú fundað með fulltrúum stjórnar Sjómannafélagsins.

Á fundinum var rætt um mál Sjómannafélagsins sem á að fara fyrir Hæstarétt þann 5. desember næstkomandi. Vildu fulltrúar HH leggja áherslu á það við stjórn Sjómannafélagsins að fara fram með ítrustu kröfu sína um endurgreiðslu miðað við samningsvexti, enda lánið uppgreitt. Þar fyrir utan má deila um hvort gengistryggðu lánin eigi yfir höfuð að bera vexti frá tökudegi fram að dómum Hæstaréttar eins og margir hafa bent á að undanförnu.

Rúm 80% landsmanna eru hlynnt afnámi verðtryggingar samkvæmt nýrri könnun sem Capacent hefur gert fyrir Hagsmunasamtök heimilanna. Stuðningur við hugmyndir um afnám verðtryggingar mældist sá sami haustið 2009 en þá létu samtökin síðast rannsaka afstöðu almennings til krafna samtakanna.