Lögmæti verðtryggingar véfengt
Samkvæmt reglum Seðlabanka Íslands er verðtryggingu lánsfjár þannig háttað, að höfuðstóll er uppfærður í samræmi við breytingar á vísitölu neysluverðs, ásamt vöxtum og afborgun af viðkomandi láni.
Barátta Jóhönnu gegn verðtryggingunni
Á þingmannsárum sínum, barðist Jóhanna Sigurðardóttir ötullega gegn verðtryggingunni.
Hún benti meðal annars á óréttlæti þess, að skuldir heimilanna hækki um hundruðir milljónir og jafnvel milljarða í hvert sinn sem nauðsynjavara á borð við kartöflur hækki í verði.
Margföld svikamylla verðtryggingarinnar
Ekki aðeins er verðtryggingin sem slík verðbólguhvetjandi, heldur felur hún einnig í sér svikamyllu sem gerir frjámálastofnunum kleift að innheimta andvirði útlána margfalt til baka með ólöglegum reikniaðferðum.
Þetta er á meðal þess sem kemur fram í nýlegri grein eftir Andreu J. Ólafsdóttur, formann Hagsmunasamtakanna, þar sem hún tekur saman nokkrar sláandi staðreyndir um íslensku verðtrygginguna - staðreyndir sem vel að merkja þagað hefur verið þunnu hljóði yfir hjá talsmönnum verðtryggingarinnar.
Tengsl vaxta og verðtryggingar dæmd órjúfanleg
Órjúfanleg tengsl vaxta og verðtryggingar, eru helsta forsenda þess að Íslandsbanki vann nýlega mál sem hann höfðaði fyrir Héraðsdómi Suðurlands vegna afturvirkrar vaxtatöku. Segja má að bankanum hafi með þessum dómi tekist að fá viðskiptavini sína dæmda til verðtryggingar.
Áhrif dóms Héraðsdóms Suðurlands enn ekki ljós
Nýgenginn dómur Héraðsdóms Suðurlands heimilar þvert á viðteknar meginreglur laga afturvirka vaxtatöku við endurútreikninga á gengistryggðum lánum.
Í grunninn eru rökin þau, að þar sem vextir séu ekki bara vextir hér á landi, heldur einnig verðtrygging, megi reikna þá afturvirkt á verðtryggðum lánum, eins sagt er nánar frá hér.
Standi þessi dómur, hefur lagalegur réttur fjármálakerfisins á því að verðtryggja útlán því líklega verið úrskurðaður sterkari lagalegum rétti lántakenda skv. íslenskum kröfurétti og neytendarétti. Eftir stendur spurningin um Evrópurétt lántakenda í þessum efnum, en eins og fram hefur komið ítrekað í fjölmiðlum virðist áhugi íslenskra dómsstóla ekkert sérstakur á réttarstöðu fólks með hliðsjón af lögum og reglum Evrópska efnahagssvæðisins.
Við krefjumst leiðréttingar lána og afnáms verðtryggingar
Hagsmunasamtök heimilanna hafa hrundið af stað undirskriftasöfnun fyrir almennri leiðréttingu stökkbreyttra lána og afnámi verðtryggingarinnar.
Kröfugerð undirskriftasöfnunarinnar er:
„Í nafni almannahagsmuna krefjumst við undirrituð almennra og réttlátra leiðréttinga á stökkbreyttum lánum heimilanna og afnáms verðtryggingar.
Hafi stjórnvöld ekki orðið við þessari kröfu fyrir 1. janúar 2012 jafngildir undirskrift mín kröfu um þjóðaratkvæðagreiðslu um kröfugerðina.“
Undirskriftasöfnunin fer fram hér á heimilin.is og á undirskrift.heimilin.is og jafngildir þátttaka kröfu um þjóðaratkvæðagreiðslu, verði stjórnvöld ekki við kröfugerð samtakanna.
Smelltu hér og taktu þátt í undirskriftarsöfnuninni
110% bankavæn skuldaleiðrétting
Frestur til að sækja um 110% skuldaaðlögun hjá bönkunum rennur út nú um mánaðamótin. Verði ekkert frekar að gert í lánamálum heimilanna, munu fjármálastofnanir, í skjóli stjórnvalda, komast upp með að leiðrétta aðeins þann hluta skuldavandans sem að þeim snýr, að undanskyldu 20% vaxtaleiðréttingu Landsbankans sem gengur ekki nægilega langt að mati Hagsmunasamtaka heimilanna.
Eftir stendur stökkbreyttur höfuðstóll lána hjá þorra almennings sem nánast engar leiðréttingar fær þar sem hin sérstaka vaxtabót í gegnum vaxtabótakerfi ríkisins getur ekki talist annað en móðgun miðað við þá hækkun sem fólk hefur séð á lánum sínum.
Eins og Hagsmunasamtökin hafa ítrekað bent á, nær 110% leiðin einungis til þess hluta lántaka sem er skuldsettastur m.v. veðsetningarhlutfall. Hún er því sértæk aðgerð, en ekki almenn.
Hvernig?
Nokkrar leiðir til að leiðrétta stökkbreytt lán og afnema verðtryggingu
- Stjórnvöld eiga greiða aðkomu að bæði almennri leiðréttingu stökkbreyttra lána og afnámi verðtryggingar
- Allt sem þarf er pólitískur vilji til verksins
- Því til áréttingar birta Hagsmunasamtök heimilanna umfjöllun um fjórar mismunandi leiðir að þessu marki
Fasteignamat hækkar um 9% á næsta ári
Ef fram heldur sem horfir munu fasteignagjöld hækka talsvert næsta vor hjá þorra almennings, nema sveitarfélögin lækki álagningarprósentuna hjá sér til samræmis við snarhækkandi fasteignamat, en samkvæmt nýju fasteignamati mun það hækka um 9% að jafnaði á næsta ári. Heildarmat fasteigna lækkaði um 8,6% í ár og hér er því á heildina litið um verulegar breytingar að ræða á milli ára.
Leiðbeiningar í lánamálum heimilanna
Snúðu vörn í sókn og stattu á rétti þínum. Hagsmunasamtökin hafa tekið saman almennar leiðbeiningar og upplýsingar sem gagnast geta félagsmönnum í glímu þeirra við fjármálafyrirtækin.
Þó að Hagsmunasamtökin hafi hingað til hvorki haft mannafla né bolmagn til að veita persónulega ráðgjöf, lýsum við yfir stuðningi við þá sem neita að láta bjóða sér það fjármálaofbeldi og greiðslukúgun sem hér viðgengst og munum veita þann stuðning í verki sem okkur er unnt, með miðlun leiðbeininga og hagnýtra upplýsinga hér á vef samtakanna.
Voru þingmenn blekktir?
Viðskiptanefnd Alþingis hefur undir höndum gögn, sem benda til þess að fyrirmælum laga nr. 151/2010 um endurútreikninga gengistryggðra lána sé ábótavant varðandi skyldur fjármálafyrirtækjanna.Um er að ræða útreikninga frá Efnahags- og viðskiptaráðuneytinu sem lagðir voru fram til grundvallar og til skoðunar fyrir þingmenn áður en frumvarpið var samþykkt. Séu þeir lýsandi fyrir þá aðferðafræði sem stjórnvöld sáu fyrir sér við uppgjör ólögmætra gengistryggðra lána bendir það ótvírætt til þess að umrædd löggjöf hafi verið samþykkt á fölskum forsendum, að mati Hagsmunasamtaka heimilanna.
Endalega staðfest að gengistryggð lán eru ólögleg
Nýlegur úrskurður Hæstaréttar í svonefndu Mótórmax-máli er að mati Hagsmunasamtaka heimilanna enn ein staðfesting þess, að gengistryggð lán eru ólögleg. Sú niðurstaða kemur reyndar ekki á óvart.
Dómurinn tekur allan vafa af því, að svo framarleg sem lán hafi verið veitt í íslenskum krónum og bundið erlendu myntgengi sé það ólöglegt, óháð því hvaða lántaki eða lánveitandi eigi í hlut, eins og fram kemur í viðtali við Andreu J. Ólafsdóttur, formanns, á Bylgjunni í Reykjavík síðdegis.
Hagsmunasamtökin harma hversu seint og illa gengur að greiða úr þeim vanda sem ólöglega gengistryggð lán hafi valdið. Að mati samtakanna er löngu orðið tímabært að fjármálafyrirtækin leiti sæmandi lausna á málinu í samráði við stjórnvöld og hagsmunaaðila. Engum friði verði komið á, fyrr en lánþegum hefur verið bættur sá mikli skaði sem ólögmæt gengistrygging hefur valdið þeim.
