Vísað er til umsóknar Hagsmunasamtaka heimilanna um styrk á grundvelli auglýsingar frá 29. október síðastliðinn um úthlutun styrkja til félagasamtaka til verkefna og starfsemi sem heyra undir málefnasvið ráðuneytisins. Félags- og húsnæðismálaráðherra, Ragnar Þór Ingólfsson bauð styrkþegum að vera viðstaddir athöfn og veita styrknum viðtöku, þriðjudaginn 17. mars á Hótel Hilton Nordica. Guðmundur Ásgeirsson formaður stjórnar Hagsmunasamtaka heimilanna tók á móti styrknum fyrir hönd samtakanna og var fulltrúi þeirra á meðal annarra styrkþega og frumkvöðla af vettvangi félagasamtaka. Um er að ræða styrk frá ráðuneytinu af safnliðum fjárlaga 2026 og er styrkurinn er að upphæð 5.000.000 kr.

Eitt meginviðfangsefni Hagsmunasamtaka heimilanna er að halda á lofti kröfunni um sanngjarnari lánskjör fyrir heimilin en einnig aukinni neytendavernd í lánaviðskiptum. Sérhæfing samtakanna er á sviði neytendaverndar á fjármálamarkaði, því stjórnarmenn hafa frá stofnun fylgst vel með framþróun á þessu sviði, þá ekki síst með hliðsjón af og í samanburði við reglur á sviði Evrópuréttar, þróun þeirra og dómaframkvæmd. Hagsmunagæsla og réttindavernd lántakenda er liður í því að byggja upp sanngjarnari umgjörð um íbúðarkaup fyrir almenning, því allt of margir eru jaðarsettir á húsnæðismarkaði gagnvart háum húsnæðiskostnaði og ófyrirsjáanlegri (breytilegri) og oft þungri greiðslubyrði lána. 

Hagsmunasamtök heimilanna

17. mars 2026/ Félags- og húsnæðismálaráðuneytið: Styrkir veittir til frjálsra félagasamtaka til verkefna á sviði félagsmála.