Þingfesting stefnu Hagsmunasamtaka heimilanna vegna verðtryggðs fasteignaláns
Í dag var þingfest fyrir héraðsdómi Reykjavíkur stefna gegn Íbúðalánasjóði vegna verðtryggðs neytendaláns sem Hagsmunasamtök heimilanna standa að baki. Samtökin hófu þessa vegferð innan dómskerfisins fyrir rúmi ári síðan, en ríkislögmaður (fyrir hönd Íbúðalánasjóðs) fór fram á frávísun málsins vegna meints formgalla og féllust dómsstólar á þá kröfu í fyrstu atrennu.
Borgarafundur um málsókn gegn verðtryggingu
Staður: Háskólabíó
Stund: Þriðjudagur 13. nóvember kl. 20:00 - 22:00
Fundarefni: Málsókn gegn verðtryggingu
Fundarstjóri: Egill Helgason
Frummælendur: Pétur H. Blöndal alþm., Guðmundur Ásgeirsson varaf. HH, Þórður H Sveinsson hdl
Pallborð: Fulltrúar þingflokkanna, Vilhjálmur Birgisson VLFA, Gísli Tryggvason talsmaður neytenda, fulltrúi ríkisstjórnarinnar, formaður HH og ræðumenn.
Nánar um fundarefni: Málsókn gegn verðtryggingu beinist gegn framkvæmd verðtryggingar í neytendalánum. Húsnæðislán einstaklinga falla undir lög um neytendalán frá desember 2000. Verðtrygging er ósamrýmanleg lögum um neytendalán þar eð hún m.a. getur ekki rúmast inna árlegrar hlutfallstölu kostnaðar
Samstaða í hópum
Allt frá stofnun Hagsmunasamtaka heimilanna hafa hópar verið að störfum sem njóta stuðnings samtakanna í einhverju formi. Nú eru í gangi að minnsta kosti þrjár Facebook-síður þar sem fólk hefur hópað sig saman vegna sameiginlegra baráttumála er tengjast baráttu HH.
Samtakamátturinn er mikils virði og getur breytt öllu. Við viljum hvetja félagsmenn til að kynna sér þessa hópa, sjá hvort þeir eiga samleið með einhverjum þeirra og taka þátt sé þess nokkur kostur, eða jafnvel stofna eigin hóp.
Hér eru hlekkir á nokkra af þessum hópum:
Samstaða gegn fjármögnunarfyrirtækjunum
Lögbann á innheimtur Lýsingar
Stjórn Hagsmunasamtaka heimilanna hefur ákveðið að hefja undirbúning að því að krefjast lögbanns á innheimtur Lýsingar hf. Yfirlýsing Lýsingar um að dómar hafi ekki fordæmisgildi um þeirra útlán eru hið augljósa tilefni. Stjórn HH telur að Lýsing hafi gerst brotleg við neytendur með ólöglegum verðbreytingaákvæðum í samningum og að Lýsing eigi ekki að vera yfir lög hafin frekar en önnur fjármálafyrirtæki. Lýsing hf er jafnframt hvött til að hefja endurútreikning á öllum samningum með ólögmætum gengisbundnum verðbreytingaákvæðum án undanbragða og jafnframt láta viðskiptavini sína njóta vafans í þeim málum í hvívetna.
Stjórn HH
Stefna þingfest gegn Íbúðalánasjóði vegna verðtryggðs láns.
18. október var þingfest fyrir Héraðsdómi Reykjavíkur stefna gegn Íbúðalánasjóði vegna verðtryggðs fasteignaláns, en Hagsmunasamtök heimilanna standa að baki málsókninni.
Í stefnunni er byggt á lögum um neytendalán (nr. 121/1994), en stjórn samtakanna telur sýnt að verðtryggðir lánasamningar brjóti gegn skýrum ákvæðum laganna um upplýsingagjöf um heildarlántökukostnað til neytenda, og kunni þar með að vera ólöglegir. Hér er um að ræða fyrsta málið sem höfðað er vegna verðtryggingar neytendalána á Íslandi.
Ríkislögmaður mætti fyrir hönd Íbúðalánasjóðs í þingfestingu og fékk átta vikna frest til að skila greinargerð, eða nánar tiltekið til 13 desember næstkomandi.
Málsókn af þessu tagi er kostnaðarsöm og þeim sem vilja leggja málefninu lið er bent á málsóknarsjóð vegna verðtryggingar: 1110-05-250427, kt: 520209-2120
Stjórn Hagsmunasamtaka heimilanna
Ályktun um úrskurð Hæstaréttar varðandi lögbannskröfu á innheimtu gengislána
Aðildarhæfi HH og TN er tryggt með lögum að mati Hæstaréttar
Niðurstaða liggur fyrir vegna lögbannskröfu Hagsmunasamtaka heimilanna (HH) og talsmanns neytenda (TN) um stöðvun innheimtu á ólögmætum gengislánum. Samtökin telja að engar forsendur séu fyrir innheimtu þessara lána á meðan óvissa ríkir um innheimtanlegar eftirstöðvar þeirra.
Grasrót verkalýðshreyfingarinnar er án efa með okkur
Stjórn Verslunarmannafélags Reykjavíkur (VR), Verkalýðsfélag Akraness (VLFA), Félag málmiðnaðarmanna á Akureyri, Félag verslunar og skrifstofufólks á Akureyri (FVSA) hafa öll styrkt Hagsmunasamtök heimilanna með ýmsum hætti. Stjórn VR lagði nú síðast eina milljón í málsóknarsjóð HH til að fá úr lögmæti verðtryggingarinnar skorið og hafa einnig lagt 200 þúsund til að styðja við lögbann á ólögmætar vörslusviptingar(Alþingi tók á endanum til sinna ráða og áminnti sýslumenn um hver landslög eru í þessum efnum). Félag málmiðnararmanna á Akureyri og FVSA hafa einnig lagt fjármuni í málsóknarsjóð HH og Verkalýðsfélag Húsavíkur hefur einnig stutt við málstað HH.
VLFA og HH snúa bökum saman
Formenn HH og VLFA, Ólafur Garðarsson og Vilhjálmur Birgisson áttu fund föstudagsmorguninn 12. október, þar sem farið var yfir málefni er varða sókn gegn verðtryggingunni. Á fundinum voru einnig Vilhjálmur Bjarnason (ekki fjárfestir) og Sigrún Erla Egilsdóttir, starfsmaður HH.
Vilhjámur Birgisson hefur árum saman barist ötullega gegn verðtryggingunni enda hefur hún leikið íslensk heimili grátt. Vilhjálmur telur verðtrygginguna eiga stóran þátt í því að ræna almenning þeim kjarabótum sem verkalýðshreyfingin hefur þó náð í gegn. Hagsmunasamtök heimilanna taka heilshugar undir með Vilhjálmi Birgissyni, formanni Verkalýðsfélags Akraness.
Á fundinum var ákveðið að vinna sameiginlega að markmiðum þessa tveggja samtaka hvað varðar verðtrygginguna. Málaferlin halda sínu striki og félögin stilla saman strengi svo hámarka megi rétt upplýsingaflæði til almennings um þessi málefni.
Sjá einnig frétt á heimasíðu VLFA.
Bestu kveðjur,
Ólafur Garðarsson,
formaður stjórnar HH
Málshöfðun gegn verðtryggingu
Dómsmál höfðað um lögmæti verðtryggðra neytendalána Íbúðalánasjóðs
Um liðna helgi voru fjögur ár liðin síðan útblásið bankakerfi Íslands hrundi með slíkum látum að þáverandi forsætisráðherra sá tilefni til að ákalla drottinn, hugsanlega í von um að stjórnvöld yrðu bænheyrð í ráðaleysi sínu. Hagsmunasamtök heimilanna hafa lengst af þessu tímabili beitt sér fyrir því að stemmt verði stigu við stökkbreytingum sem orðið hafa á lánum heimilanna í tengslum við fjármálakreppuna sem opinberaðist árið 2008 og sér enn ekki fyrir endann á. Stærsti einstaki liðurinn í þeirri baráttu hefur verið krafan um sanngjarna leiðréttingu á stökkbreyttum höfuðstól vegna verðtryggingar og vísitölutengingar neytendalána.
Íbúðalánasjóði stefnt
FRÉTTATILKYNNING
HH2012V3.2F1
27.09.2012
Málsókn gegn Íbúðalánasjóði vegna verðtryggðs láns
Birt hefur verið stefna fyrir Héraðsdómi Reykjavíkur í málsókn á hendur Íbúðalánasjóði sem er sú fyrsta vegna verðtryggðs fasteignaláns. Stefnan markar tímamót í baráttunni gegn verðtryggingu fasteignaveðlána. Hagsmunasamtök heimilanna (HH) hafa staðið að undirbúningi málsins og munu nánari upplýsingar um framgang þess birtast á heimasíðu samtakanna (www.heimilin.is).
Synjun á lögbannskröfu kærð til Hæstaréttar
Kærð hefur verið til Hæstaréttar synjun Héraðsdóms Reykjavíkur á kröfu Hagsmunasamtaka heimilanna (HH) og talsmanns neytenda (TN) um lögbann á innheimtu Landsbankans vegna ólögmætra gengistryggðra lána.
HH kæra Dróma til Samkeppniseftirlitsins
Hagsmunasamtök heimilanna hafa beint formlegu erindi til Samkeppniseftirlitsins þar sem óskað er eftir rannsókn á fullnustugerðum af hálfu fjármálafyrirtækja og Dróma hf. á meðan skilyrði um frestun þeirra voru í gildi, samkvæmt ákvörðun Samkeppniseftirlitsins um undanþágu til samstarfs um úrvinnslu mála vegna ólöglegra gengistryggingarákvæða í lánasamningum.
