Hagsmunasamtök heimilanna óska félagsmönnum sem og landsmönnum öllum gleðilegra jóla og til hamingju með þann árangur sem náðst hefur fyrir heimilin á þessu ári.
Hagsmunasamtök heimilanna óska félagsmönnum sem og landsmönnum öllum gleðilegra jóla og til hamingju með þann árangur sem náðst hefur fyrir heimilin á þessu ári.
Hagsmunasamtök heimilanna hafa útbúið staðlað bréf fyrir neytendur sem þeir geta notað til að krefjast endurgreiðslu ofgreidds lánskostnaðar vegna ólögmætra skilmála á borð við gengistryggingu eða óréttmætra skilmála, til að mynda í samningum um neytendalán sem ekki tilgreina upplýsingar um lánskostnað með skýrum hætti.
Samkvæmt ráðleggingum sem koma fram í lögfræðiáliti sem samtökin létu gera fyrr á þessu ári eru neytendur sem telja að á réttindum sínum sé brotið eða þeir kunni að eiga rétt á endurgreiðslu, hvattir til þess að senda lánveitendum kröfubréf þar sem farið er fram á endurgreiðslu auk dráttarvaxta.
Leiðbeiningar: Hlaðið niður meðfylgjandi eyðublaði og prentið það út. Fyllið eyðublaðið út með upplýsingum um stað, dagsetningu, viðtakanda og sendanda, auk númers lánssamningsins. Upplýsingar um heimilisföng og kennitölu fjármálafyrirtækja má finna á vefsíðum þeirra (gjarnan neðst á síðu). Sendið lánveitanda bréfið með ábyrgðarpósti, kostnaður við það er 1.115 kr. skv. gjaldskrá Póstsins. Mikilvægt: óskið eftir afhendingu til skráðs viðtakanda hjá fyrirtækinu, og að fá móttökukvittun. Hafið upp frá þessu öll frekari samskipti bréfleg og varðveitið skjöl, bréf og önnur gögn skipulega.
ENDURKRÖFUBRÉF VEGNA NEYTENDALÁNA
2014-Endurkröfubréf-Neytend... by Hagsmunasamtök heimilanna
ÁLITSGERÐ UM RÉTT LÁNTAKENDA TIL AÐ HALDA EFTIR EIGIN GREIÐSLU
Hagsmunasamtök heimilanna hafa ákveðið að bjóða félagsmönnum sínum og öðrum lántakendum upp á endurútreikning neytendalána gegn gjaldi. Útreikningarnir byggja á gildandi lögum um neytendarétt hér á landi, nánar tiltekið á lögum um neytendalán (nr. 121/1994), ákvæðum samningalaga (nr. 7/1936), ákvæðum vaxtalaga (nr. 38/2001), ásamt öðrum gildandi lögum og réttarreglum eftir því sem kann að eiga við um málsatvik hverju sinni.
Grunnverð fyrir endurútreikning er 31.375 kr. fyrir félagsmenn HH og 43.925 fyrir aðra. Ef um er að ræða flókna greiðslusögu bætast 6.275 kr. við verðið fyrir hverja skilmálabreytingu.
Þeir sem áhuga hafa á að nýta sér þessa þjónustu geta sent tölvupóst á
Fyrirvari: þjónustan nær eingöngu til staðlaðra neytendalána og er jafnframt áskilinn sá réttur að synja beiðni um þjónustuna í sérstökum tilvikum sem teljast óvenjuleg eða þar sem hinar stöðluðu reikniaðferðir fyrir neytendalán teljast af einhverjum ástæðum ekki eiga við.

Ný heimasíða hefur verið sett í loftið undir yfirskriftinni: "Fólk í fjötrum Dróma". Tilgangurinn er að sýna þá meðhöndlun sem "viðskiptavinir" fyrirtækisins hafa mátt þola, eða eins og það er orðað á síðunni "að sýna hvernig Drómi pönkast á "viðskiptavinum" sínum". Á síðunni má meðal annars lesa kærusem send hefur verið til sérstaks saksóknara á hendur Dróma fyrir skipulagða glæpastarfsemi.
Stjórn Hagsmunasamtaka heimilanna (HH) fagnar því að innanríkisráðherra, Hanna Birna Kristjánsdóttir, skuli loks hafa brugðist við ítrekuðum áskorunum samtakanna um að stöðva nauðungarsölur á heimilum neytenda.
Fulltrúar samtakanna áttu fund með innanríkisráðherra þann 9. október þar sem þessi krafa var sett fram, annars vegar vegna þess að samtökin telja nauðungaruppboð vera óréttmæt nema að undangengnum dómsúrskurði og hins vegar vegna þess að ótækt væri að bjóða upp húsnæði fólks á meðan beðið væri boðaðra aðgerða ríkisstjórnarinnar. Svör ráðherrans við kröfum samtakanna voru á þá leið að stöðvun nauðungaruppboða gengi gegn stjórnarskárvörum réttindum kröfuhafa. Þegar ráðherrann var spurð nánar út í þetta í fjölmiðlaumræðum um nauðungaruppboð í kjölfar fundarins svaraði ráðherra því til að þetta væri samkvæmt áliti “helstu sérfræðinga á þessu sviði”.
Það er mat stjórnar Hagsmunasamtaka heimilanna (HH) að aðgerðaáætlun um höfuðstólslækkun húsnæðislána sem kynnt var í Hörpunni hinn 30. nóvember síðastliðinn, feli í sér ágætar tillögur eins langt og þær ná, en að þær séu samt sem áður allt of léttvægar miðað við ástandið eins og það er orðið í dag. Rétt er að hafa í huga að tillögurnar eiga eftir að hljóta þinglega meðferð og samþykki, þar sem þær geta tekið talsverðum breytingum eða jafnvel verið synjað. Forskriftin að aðgerðaráætluninni var lögð fram með þingsályktunartillögu forsætisráðherra á sumarþinginu og skiluðu HH inn ítarlegri umsögn um hana. Hefði aðgerðaráætlunin litið dagsins ljós strax árið 2009 hefðu HH efalaust fagnað henni ákaft enda er hún mjög í samræmi við kröfur samtakanna á þeim tíma. Forsendurnar nú þegar fimm ár eru liðin frá hruni eru hins vegar talsvert breyttar og finnst okkur í HH tími til kominn að stjórnvöld horfist í augu við vandann í stað þess að setja sífellt fleiri plástra með fallegum myndum á svöðusárin.
Hagsmunasamtök heimilanna hafa gefið út sérstaka rannsóknarskýrslu um starfsemi Dróma hf.
Meðal ástæðna þess að samtökin réðust í gerð skýrslunnar er sáttargerð sem Fjármálaeftirlitið (FME) gerði við Dróma hf. um að fyrirtækið skyldi greiða 2.800.000 krónur í sekt fyrir að hafa stundað ólögmæta innheimtustarfsemi. Nánar tiltekið komst FME að þeirri niðurstöðu, eftir athugun sem hófst fyrir tæpu ári síðan, að Drómi hf. hefði stundað frum- og milliinnheimtu á lánum í eigu ESÍ/Hildu og Frjálsa hf. í andstöðu við 3. gr. innheimtulaga.
Hagsmunasamtök heimilanna telja það algerlega óviðunandi niðurstöðu fyrir neytendur að FME taki með svo vægum hætti á fyrirtæki sem stundað hefur lögbrot gegn “viðskiptavinum” sínum undanfarin fjögur og hálft ár. Samtökin hafa farið á fund efnahags- og viðskiptanefndar Alþingis til að kynna skýrsluna og hafa óskað eftir fundi með stjórnskipunar og eftirlitsnefnd annars vegar og hins vegar allherjar- og menntamálanefnd Alþingis í sama tilgangi.
Einnig er í undirbúningi kvörtun til Umboðsmanns Alþingis byggð á niðurstöðum í skýrslunni. Þess verður farið á leit að umboðsmaður skeri úr um það hvort Fjármálaeftirlitið sé yfirhöfuð hæft til að fjalla um málefni Dróma, í ljósi þess að það var einmitt FME sem stofnaði Dróma í mars árið 2009. Verði niðurstaðan sú að FME sé hæft til að fjalla um Dróma verður jafnframt óskað eftir því að kannað verði hvort FME hafi haft heimild til að ljúka málinu með umræddri sáttargerð.
Sjá einnig: gagnasafn um Dróma hf.
Hagsmunasamtök heimilanna hafa sent kvörtun til Neytendastofu vegna sjónvarpsauglýsingar Samtaka Atvinnulífsins (SA) sem birst hefur í fjölmiðlum að undanförnu, þar sem fullyrt er að “of miklar launahækkanir hafi leitt til verðbólgu”.
Fjármálaeftirlitið (FME) hefur birt tilkynningu um niðurstöðu athugunar á innheimtustarfsemi Dróma hf. Niðurstaðan er sáttargerð þar sem Dróma er gert að greiða 2.800.000 krónur í sekt fyrir að hafa stundað ólögmæta innheimtustarfsemi frá því að fyrirtækið var stofnaður af FME í mars árið 2009.
Hagsmunasamtök heimilanna (HH) hafa að undanförnu vakið athygli á miklum fjölda auglýstra nauðungarsala á heimilum fólks. Á fundi sem fulltrúar samtakanna áttu í byrjun október með innanríkisráðherra, Hönnu Birnu Kristjánsdóttur, var þess krafist að nauðungarsölur vegna neytendalána verði stöðvaðar tímabundið, m.a. á þeirrri forsendu að ríkisstjórnin hefur sjálf sett fram tímasettar áætlanir til hjálpar skuldugum heimilum.
Hagsmunasamtök heimilanna skoruðu í vikunni á innanríkisráðherra að skýra fullyrðingar sínar um að stöðvun á nauðungarsölum gangi gegn stjórnarskárbundnum réttindum kröfuhafa. Einnig að gefa lögfræðilegar skýringar á því hvernig stöðvun nauðungarsala geti gengið gegn réttindum þeirra sem þegar hafa misst heimili sín í slíkum fullnustugerðum, en því hefur ráðherrann einnig haldið fram.
Ráðherrann hefur engu svarað og því ítreka samtökin áskorun sína hér með, og krefjast þess að fá svör við þessum spurningum. Alls hafa heimili 260 fjölskyldna verið auglýst á nauðungarsölum á vefnum syslumenn.is það sem af er októbermánuði. Það hlýtur að teljast lágmarks kurteisi að Hanna Birna Kristjánsdóttir, innanríkisráðherra skýri nánar fyrir þeim einstaklingum sem hér eiga í hlut, og þeirra sem nú bíða fullnustugerða á heimilum sínum, hvers vegna ríkisstjórnin hefur ekki nú þegar stöðvað nauðungarsölur sem HH hafa margítrekað að eru ólögmætar nema dómsúrskurður liggi fyrir.
Eftir umfjöllun Hagsmunasamtaka heimilanna undanfarna daga um stöðvun nauðungarsala og gjaldþrota skorar stjórn HH á innanríkisráðherra, Hönnu Birnu Kristjánsdóttur, að skýra nánar fullyrðingar sínar um að stöðvun á nauðungarsölum gangi gegn stjórnarskárbundnum réttindum kröfuhafa. Á fundi með fulltrúum HH í síðustu viku, og í fjölmiðlum undanfarna daga í kjölfar þess fundar hefur ráðherrann haldið því fram að álit “helstu sérfræðinga á þessu sviði” standi helst í vegi fyrir því að stjórnvöld stöðvi nauðungarsölur.
Tilgangur samtakanna er að veita fólkinu í landinu möguleika til að sameinast og að taka þátt í að verja hagsmuni heimilanna, og vera talsmaður og málsvari í umræðum um hagsmuni heimilanna.
Viltu styrkja samtökin?
Kennitala:
520209-2120
Reikningsnúmer:
1110-26-5202
Smelltu hér til að skrá þig í samtökin.