Ályktun vegna álits frá framkvæmdastjórn ESB á framkvæmd verðtryggingar neytendalána
Verðtrygging lánasamninga samkvæmt vísitölu neysluverðs er heimil samkvæmt íslenskum lögum. Fróðir félagsmenn og fulltrúar samtakanna hafa kortlagt heimildirnar en þær eru í reynd undanþágur frá almennum vaxtalögum. Verðtrygging greiðslna m.v. vísitölu neysluverðs er eini lánskostnaðurinn auk hefðbundinna vaxta sem er leyfilegur samkvæmt vaxtalögunum. Það var á grundvelli þessara skýru ákvæða vaxtalaga sem Hæstiréttur Íslands dæmdi gengistryggingu lánasamninga ólögmæta þann 16. júní 2010, einkum í málum nr. 92/2010 og nr. 153/2010.
Varaformannsskipti og ráðning starfsmanns
Guðmundur Ásgeirsson hefur sagt af sér varaformennsku í HH. Stjórnin þakkar Guðmundi vel unnin störf, sem reyndar voru framúrskarandi þannig að ákveðið var að ráða hann sem starfsmann. Nú eru því tveir starfsmenn í hlutastarfi hjá HH. Vilhjálmur Bjarnason hefur tekið við sem varaformaður stjórnar.
HH gagnrýna harðlega samning ráðuneytis við SFF um kennslu í fjármálalæsi
Mennta- og menningarmálaráðuneytið hefur gert samning við Samtök fjármálafyrirtækja (SFF) um átak og aðgerðir til að efla fjármálalæsi í grunn- og framhaldsskólum. Samningurinn felur í sér að SFF fjármagnar verkefnið, þar á meðal laun verkefnisstjóra og námsefnisgerð.
Sjá fréttatilkynningu Mennta- og menningarmálaráðuneytisins 14. janúar 2013
Svör þingmanna vegna frumvarps HH um afnám verðtryggingar
Eins og fram hefur komið hér á heimasíðunni hafa HH óskað eftir samstarfi við þingmenn um að flytja frumvarp samtakanna um afnám verðtryggingar neytendalána. Frumvarpið hefur verið sent á einn þingmann úr hverjum flokki með ósk um að hann gerist meðflutningsmaður, en þannig vonast HH til að mynda þverpólitíska samstöðu um málið. Það ætti að vera auðsótt mál, a.m.k, er litið er til vilja grasrótar stjórnmálaflokkanna, en ALLIR flokkarnir hafa ályktað um leiðréttingu og/eða afnám verðtryggingar (samantekt hér).
Borgarafundur um heimilin, lýðræði og velferð
Formaður stjórnar HH, Ólafur Garðarsson heldur erindi á borgarafundi í Iðnó mánudaginn 11. febrúar kl. 20.
Það er Dögun, stjórnmálasamtök um réttlæti, sanngirni og lýðræði sem stendur fyrir fundinum, þar sem talsmenn félagasamtaka leggja línurnar gagnvart stjórnmálunum með framsögum um áherslur þeirra og hvað betur mætti fara varðandi samvinnu við stjórnvöld.
Framsögur fundarins eru:
Hagsmunasamtök heimilanna
Stríðið gegn heimilunum: Ólafur Garðarsson, formaður HH
Lýðræðisfélagið Alda
Sjálfbærni og lýðræði: Kristinn Már Ársælsson, liðsmaður Öldu
Öryrkjabandalag Íslands
Áherslur Öryrkjabandalagsins: Guðmundur Magnússon, formaður ÖBÍ
Ásamt almennum borgurum er fulltrúum allra stjórnmálaafla boðið á fundinn.
Frumvarp um afnám verðtryggingar
Hagsmunasamtök heimilanna hafa tekið enn eitt skref í baráttu sinni fyrir afnámi verðtryggingar á neytendalánum, en varaformaður samtakanna Guðmundur Ásgeirsson hefur ritað "Frumvarp til laga um breytingu og afnám ýmissa lagaákvæða varðandi verðtryggingu neytendasamninga", sem tilbúið er til flutnings. Megináhrif frumvarpsins ef það yrði að lögum yrðu þau að afnema verðtryggingu neytendalána.
Auk þess eru með frumvarpinu lagðar til breytingar og afnám ýmissa lagaákvæða sem hafa með verðtryggingu að gera og hafa bein eða óbein áhrif á hagsmuni heimilanna.
Stjórn samtakanna hefur leitað til þingmanna eftir samstarfi, og óskað eftir því við einn þingmann úr hverjum flokki að gerast flutningsmaður frumvarpsins, í því skyni að mynda þverpólitíska samstöðu um málið. Má í því sambandi benda á ályktanir allra stjórnmálaflokkanna um leiðréttingu og/eða afnám verðtryggingar (samantekt hér).
Þingkonurnar Lilja Mósesdóttir og Margrét Tryggvadóttir hafa nú þegar lýst yfir áhuga á samstarfi, en Guðmundur Steingrímsson og Róbert Marshall svöruðu neitandi. Enn hafa þingmenn Framsóknarflokks, Samfylkingar, Sjálfstæðisflokks og VG ekki gefið formlegt svar.
Stjórn Hagsmunasamtaka heimilanna hefur nú ákveðið að birta frumvarpið opinberlega og er það því aðgengilegt hér.
Ný gögn staðfesta enn frekar vafasama starfshætti samráðshóps vegna gengislána.
Umboðsmaður skuldara (UMS) afhenti Hagsmunasamtökum heimilanna (HH) í byrjun janúar, fundargerðir og önnur gögn samráðshóps um úrvinnslu mála vegna gengislána, eftir að úrskurðarnefnd um upplýsingamál úrskurðaði að synjun UMS á afhendingu þeirra stæðist ekki upplýsingalög. Við nánari athugun kom í ljós að ýmis gögn vegna vinnu hópsins hefðu enn ekki verið afhent, og óskuðu samtökin jafnframt eftir því við Samkeppniseftirlitið að það yrði gert. Hluti þessara viðbótargagna hefur nú borist samtökunum, og renna þau frekari stoðum undir þær grunsemdirsem áður höfðu vaknað um meinbugi á starfsháttum samráðshópsins með hliðsjón af undanþágskilyrðum ákvörðunar Samkeppniseftirlitsins nr. 4/2012.
Frávísun sýslumanns á lögbannskröfu gegn Lýsingu kærð til Héraðsdóms..
Hagsmunasamtök heimilanna (HH) hafa kært til Héraðsdóms frávísun Sýslumannsins í Reykjavík á lögbannskröfu samtakanna gegn innheimtu Lýsingar á ólögmætum áður gengistryggðum lánum, þar til nýir og lögmætir endurútreikningar verði sendir út í samræmi við dóma Hæstaréttar. Lögbannskrafan var sett fram á grundvelli heimildar samtakanna til að leita lögbanns til verndar heildarhagsmunum neytenda samkvæmt lögum nr. 141/2001 og auglýsingu nr. 1320/2011.
Samræmdar verklagsreglur um greiðsluaðlögun einstaklinga?
Hagsmunasamtök heimilanna hafa að undanförnu ítrekað óskað eftir upplýsingum varðandi samræmdar verklagsreglur um greiðsluaðlögun einstaklinga, og reglugerð þar um, en engin svör fengið.
Fundur um málefni Dróma fimmtudaginn 17. janúar 2013.
Hópurinn "Slagur við Dróma" boðar til opins fundar um málefni Dróma í sal Stýrimannaskólans, fimmtudaginn 17. janúar kl. 20:00. "Viðskiptavinir" Dróma eru hvattir til að sýna samtöðu og mæta!
Samtökin eru 4 ára í dag
Hagsmunasamtök heimilanna eru 4 ára í dag. Þau voru stofnuð formlega 15. janúar 2009 á um 100 manna fundi í Háskólanum í Reykjavík. Stjórn óskar öllum til hamingju með daginn.
Gögn sýna vafasama starfshætti samráðshóps vegna gengislána
Stjórn Hagsmunasamtaka heimilanna (HH) hefur móttekið og yfirfarið fundargerðir og önnur gögn samráðshóps vegna gengislánadóms Hæstaréttar nr. 600/2011, sem umboðsmaður skuldara (UMS) afhenti samtökunum í síðustu viku. Úrskurðarnefnd um upplýsingamál komst að þeirri niðurstöðu að synjun UMS á beiðni HH um aðgang að gögnunum hafi verið óheimil, og að tafarlaust skyldi veita aðgang að þeim eins og hefur nú verið gert.
