Við krefjumst leiðréttingar lána og afnáms verðtryggingar
Hagsmunasamtök heimilanna hafa hrundið af stað undirskriftasöfnun fyrir almennri leiðréttingu stökkbreyttra lána og afnámi verðtryggingarinnar.
Kröfugerð undirskriftasöfnunarinnar er:
„Í nafni almannahagsmuna krefjumst við undirrituð almennra og réttlátra leiðréttinga á stökkbreyttum lánum heimilanna og afnáms verðtryggingar.
Hafi stjórnvöld ekki orðið við þessari kröfu fyrir 1. janúar 2012 jafngildir undirskrift mín kröfu um þjóðaratkvæðagreiðslu um kröfugerðina.“
Undirskriftasöfnunin fer fram hér á heimilin.is og á undirskrift.heimilin.is og jafngildir þátttaka kröfu um þjóðaratkvæðagreiðslu, verði stjórnvöld ekki við kröfugerð samtakanna.
Smelltu hér og taktu þátt í undirskriftarsöfnuninni
110% bankavæn skuldaleiðrétting
Frestur til að sækja um 110% skuldaaðlögun hjá bönkunum rennur út nú um mánaðamótin. Verði ekkert frekar að gert í lánamálum heimilanna, munu fjármálastofnanir, í skjóli stjórnvalda, komast upp með að leiðrétta aðeins þann hluta skuldavandans sem að þeim snýr, að undanskyldu 20% vaxtaleiðréttingu Landsbankans sem gengur ekki nægilega langt að mati Hagsmunasamtaka heimilanna.
Eftir stendur stökkbreyttur höfuðstóll lána hjá þorra almennings sem nánast engar leiðréttingar fær þar sem hin sérstaka vaxtabót í gegnum vaxtabótakerfi ríkisins getur ekki talist annað en móðgun miðað við þá hækkun sem fólk hefur séð á lánum sínum.
Eins og Hagsmunasamtökin hafa ítrekað bent á, nær 110% leiðin einungis til þess hluta lántaka sem er skuldsettastur m.v. veðsetningarhlutfall. Hún er því sértæk aðgerð, en ekki almenn.
Hvernig?
Nokkrar leiðir til að leiðrétta stökkbreytt lán og afnema verðtryggingu
- Stjórnvöld eiga greiða aðkomu að bæði almennri leiðréttingu stökkbreyttra lána og afnámi verðtryggingar
- Allt sem þarf er pólitískur vilji til verksins
- Því til áréttingar birta Hagsmunasamtök heimilanna umfjöllun um fjórar mismunandi leiðir að þessu marki
Fasteignamat hækkar um 9% á næsta ári
Ef fram heldur sem horfir munu fasteignagjöld hækka talsvert næsta vor hjá þorra almennings, nema sveitarfélögin lækki álagningarprósentuna hjá sér til samræmis við snarhækkandi fasteignamat, en samkvæmt nýju fasteignamati mun það hækka um 9% að jafnaði á næsta ári. Heildarmat fasteigna lækkaði um 8,6% í ár og hér er því á heildina litið um verulegar breytingar að ræða á milli ára.
Leiðbeiningar í lánamálum heimilanna
Snúðu vörn í sókn og stattu á rétti þínum. Hagsmunasamtökin hafa tekið saman almennar leiðbeiningar og upplýsingar sem gagnast geta félagsmönnum í glímu þeirra við fjármálafyrirtækin.
Þó að Hagsmunasamtökin hafi hingað til hvorki haft mannafla né bolmagn til að veita persónulega ráðgjöf, lýsum við yfir stuðningi við þá sem neita að láta bjóða sér það fjármálaofbeldi og greiðslukúgun sem hér viðgengst og munum veita þann stuðning í verki sem okkur er unnt, með miðlun leiðbeininga og hagnýtra upplýsinga hér á vef samtakanna.
Voru þingmenn blekktir?
Viðskiptanefnd Alþingis hefur undir höndum gögn, sem benda til þess að fyrirmælum laga nr. 151/2010 um endurútreikninga gengistryggðra lána sé ábótavant varðandi skyldur fjármálafyrirtækjanna.Um er að ræða útreikninga frá Efnahags- og viðskiptaráðuneytinu sem lagðir voru fram til grundvallar og til skoðunar fyrir þingmenn áður en frumvarpið var samþykkt. Séu þeir lýsandi fyrir þá aðferðafræði sem stjórnvöld sáu fyrir sér við uppgjör ólögmætra gengistryggðra lána bendir það ótvírætt til þess að umrædd löggjöf hafi verið samþykkt á fölskum forsendum, að mati Hagsmunasamtaka heimilanna.
Endalega staðfest að gengistryggð lán eru ólögleg
Nýlegur úrskurður Hæstaréttar í svonefndu Mótórmax-máli er að mati Hagsmunasamtaka heimilanna enn ein staðfesting þess, að gengistryggð lán eru ólögleg. Sú niðurstaða kemur reyndar ekki á óvart.
Dómurinn tekur allan vafa af því, að svo framarleg sem lán hafi verið veitt í íslenskum krónum og bundið erlendu myntgengi sé það ólöglegt, óháð því hvaða lántaki eða lánveitandi eigi í hlut, eins og fram kemur í viðtali við Andreu J. Ólafsdóttur, formanns, á Bylgjunni í Reykjavík síðdegis.
Hagsmunasamtökin harma hversu seint og illa gengur að greiða úr þeim vanda sem ólöglega gengistryggð lán hafi valdið. Að mati samtakanna er löngu orðið tímabært að fjármálafyrirtækin leiti sæmandi lausna á málinu í samráði við stjórnvöld og hagsmunaaðila. Engum friði verði komið á, fyrr en lánþegum hefur verið bættur sá mikli skaði sem ólögmæt gengistrygging hefur valdið þeim.
Umboðsmaður ver ekki hagsmuni lántakenda
Biðraðir hjá Umboðsmanni skuldara eru áfellisdómur á stjórnvöld fyrir vanmat þeirra á eðli og umfangi vandans. Ef fram heldur sem horfir mun aðeins 27 beiðnum af tæplega 3.000 ljúka með samningum um greiðsluaðlögun á þessu ári, skv. frétt ríkissjónvarpsins. Slíkur árangur verður að teljast óásættanlegur fyrir lántakendur og sýnir glöggt hve tímafrek og óskilvirk úrræðin eru.
Þá er skv. heimildum Hagsmunasamtaka heimilanna átta mánaða bið hjá embættinu eftir efnislegri afgreiðslu, sem hlýtur að teljast með öllu óviðunandi fyrir þá sem verða að leita sér skuldaskjóls hjá Umboðsmanni.
Hluti vandans virðist sá að Umboðsmaður veigrar sér við að beita þeim lagaheimildum sem embættið þó hefur til að sinna þeirri lagaskyldu sinni, að bæta stöðu fólks í skulda- og greiðsluerfiðleikum.
Háreysti heimilanna á Austurvelli
Nokkur hundurð manns safnaðist saman að frumkvæði Hagsmunasamtaka heimilanna á Austurvelli og hafði hátt á meðan eldhúsdagsumræður fóru fram á Alþingi í kvöld. Fjölbreytt safn hávaðaseggja, ungra jafnt sem aldinna, kom saman og tjáði hug sinn í garð stjórnvalda og æpandi aðgerðarleysis þeirra.
Farið var með ýmsu móti í framleiðslu hávaðans og spannaði "framleiðslutæknin" allt frá pottum og trommum að ýlum, gaslúðrum og flautum. Útkoman var eftir því háreyst og góð.
Farið var með ýmsu móti í framleiðslu hávaðans og spannaði "framleiðslutæknin" allt frá pottum og trommum að ýlum, gaslúðrum og flautum. Útkoman var eftir því háreyst og góð.
Mætum á Austurvöll og höfum hátt
Hagsmunasamtök heimilanna hvetja fólk til að fjölmenna á Austurvöll í kvöld kl. 19:40 og hafa hátt.
Nú er enn einu þinginu að ljúka, án þess að tekið hefur verið á lánamálum heimila og fyrirtækja.
Látum í okkur heyra, látum Alþingi og ríkisstjórn heyra að við erum ekki ánægð með árangursleysið í lánamálum.
Við krefjumst almennra lánaleiðréttinga.
Við krefjumst afnáms verðtryggingar á neytendalán.
Við krefjumst þess að lögleysan nr. 151/2010 verði afnumin og réttmæt lög sett um endurútreikninga gengistryggðra lána.
Nú er enn einu þinginu að ljúka, án þess að tekið hefur verið á lánamálum heimila og fyrirtækja.
Látum í okkur heyra, látum Alþingi og ríkisstjórn heyra að við erum ekki ánægð með árangursleysið í lánamálum.
Við krefjumst almennra lánaleiðréttinga.
Við krefjumst afnáms verðtryggingar á neytendalán.
Við krefjumst þess að lögleysan nr. 151/2010 verði afnumin og réttmæt lög sett um endurútreikninga gengistryggðra lána.
Leiðréttingar á forsendubresti lána eru ekki ölmusa eða gjöf, heldur leiðréttingar á oftöku vaxta og verðbóta sem allir eru að gjalda fyrir.
Mætum á Austurvöld í kvöld og höfum hátt á meðan eldhúsdagsumræður fara fram á Alþingi.
Mætum á Austurvöld í kvöld og höfum hátt á meðan eldhúsdagsumræður fara fram á Alþingi.
Kreppan ekki nógu djúp fyrir Seðlabankann
Hagsmunasamtökum heimilanna hafa borist svör við formlegri beiðni þeirra um, að Seðlabanki Íslands leggi faglegt mat, eða efni til óháðrar rannsóknar í samvinnu við fræðasamfélagið á skiptigengisleið sem stjórnvaldsúrræði í glímunni við afleiðingar kreppunnar – baráttu sem er orðin bæði of löng og þungbær þjóðinni að mati sífellt fleirri málsmetandi aðila.
Endurupptaka heimil vegna gengistryggðra lána
Þeir sem hafa verið sviptir eignum með fjárnámi eða nauðungarsölu vegna vanskila á gengistryggðu láni, eða verið úrskurðaðir gjaldþrota vegna slíkra lána, geta átt rétt á endurupptöku slíkra mála fyrir dómstólum.
