Símatími

Mán - þri kl. 10-13

Á döfinni

Endalega staðfest að gengistryggð lán eru ólögleg

Nýlegur úrskurður Hæstaréttar í svonefndu Mótórmax-máli er að mati Hagsmunasamtaka heimilanna enn ein staðfesting þess, að gengistryggð lán eru ólögleg. Sú niðurstaða kemur reyndar ekki á óvart.

Dómurinn tekur allan vafa af því, að svo framarleg sem lán hafi verið veitt í íslenskum krónum og bundið erlendu myntgengi sé það ólöglegt, óháð því hvaða lántaki eða lánveitandi eigi í hlut, eins og fram kemur í viðtali við Andreu J. Ólafsdóttur, formanns, á Bylgjunni í Reykjavík síðdegis.

Hagsmunasamtökin harma hversu seint og illa gengur að greiða úr þeim vanda sem ólöglega gengistryggð lán hafi valdið. Að mati samtakanna er löngu orðið tímabært að fjármálafyrirtækin leiti sæmandi lausna á málinu í samráði við stjórnvöld og hagsmunaaðila. Engum friði verði komið á, fyrr en lánþegum hefur verið bættur sá mikli skaði sem ólögmæt gengistrygging hefur valdið þeim.

Þessi niðurstaða Hæstaréttaréttar tekur af öll tvímæli um, að lántakendur geta nú höfðað mál á hendur þeirra lánafyrirtækja sem hafa hagnast með ólögmætum hætti á innheimtu umræddra lána og hvetja samtökin alla sem misst hafa eignir sínar til að fara með þau mál til dómstóla til endurupptöku og endurheimta þær að nýju.

Hagsmunasamtökin harma hversu seint og illa gengur að greiða úr þeim mikla vanda sem ólöglega gengistryggð lán hafa valdið lántakendum. Í stað þess að leita skynsamlegra, einfaldra og greiðfærra leiða út vandanum, virðast stjórnvöld rata í hverja blindgötuna á fætur annarri, nú síðast með setningu laga nr. 151/2010. Þá hafa fjármálafyrirtækin reynst harðdræg í baráttu sinni og er mál að því linni.

Samtökin hafa jafnramt vaxandi áhyggjur af því takmarkaða bolmagni sem heimili landsins hafa til að leita réttar síns gagnvart dómstólum. Réttlætið er dýrkeypt hinum almenna borgara og því er að mati samtakanna afar brýnt að stjórnvöld taki nú af skarið og finni málinu farsæla lendingu með almennum leiðréttingum lána, bæði gengis- og verðtryggðra.

 



Hlusta á viðtal við formann Hagsmunasamtakanna í Reykjavík síðdegis

Sjá umfjöllun HH um endurupptöku mála

 

Sigtúni 42
105 Reykjavík
ICELAND

(+354) 546 1501
heimilin@heimilin.is

Hvers vegna?

Tilgangur samtakanna er að veita fólkinu í landinu möguleika til að sameinast og að taka þátt í að verja hagsmuni heimilanna, og vera talsmaður og málsvari í umræðum um hagsmuni heimilanna.

Styrkir

Viltu styrkja samtökin?
Kennitala:
520209-2120
Reikningsnúmer:
1110-26-5202

Smelltu hér til að skrá þig í samtökin.