Héraðsdómur Reykjavíkur hefur vísað frá dómi máli neytanda sem hann höfðaði gegn Íbúðalánasjóði um lögmæti samnings um neytendalán með verðtryggingu, en Hagsmunasamtök heimilanna (HH) standa að baki málsókninni. Varðandi úrskurð um frávísun málsins segir meðal annars í niðurstöðum héraðsdóms um forsendur hans:
Á döfinni
Nýverið gaf Fjármálaeftirlitið út tilmæli sem send voru með dreifibréfi til lánastofnana, slitastjórna og dótturfélaga vegna svonefndra gengistryggðra lána. Hagmunasamtök heimilanna vilja vekja athygli á tilmælunum því þau eiga brýnt erindi til fjármálafyrirtækja og þó fyrr hefði verið. Samtökin taka undir með FME um að fjármálafyrirtæki sinni skyldum og virði lögmætan rétt viðskiptavina til skjótra úrlausna sinna mála. Hagsmunasamtök heimilanna brýna fyrir lánveitendum, slitastjórnum og dótturfélögum að neytendur skulu ávallt njóta vafa þar til allri réttaróvissu hefur verið eytt.
Rétt er að taka fram að lán sem nefnd eru í tilmælum lögleg erlend lán eru ekki til nema um erlenda lánastofnun sé að ræða eða lán til erlends aðila (sjá nánari skýringar í svari við fyrirspurn spyr.is). Hagsmunasamtök heimilanna taka eftir sem áður undir tilmæli FME um að lántakar fái lagalegar skýringar í hendur um það hvernig lán geti talist gjaldeyrislán en ekki gengistryggt lán. Lánastofnanir geta ekki einhliða tekið slíka ákvörðun varðandi nein gengistengd lán að mati samtakanna. Fjármálastofnanir þurfa að sanna að um lögmætt gjaldeyrislán sé að ræða. Í því sambandi er FME hvatt til að senda út leiðsögn til fjármálafyritækja um að sönnunarbyrði liggi þeirra megin, sérstaklega þegar um neytendur er að ræða, enda sé ekki nema eðlilegt að minnimáttar í viðskiptasambandi njóti vafans.
f.h. Hagsmunasamtaka heimilanna
Ólafur Garðarsson
formaður stjórnar
Hagsmunasamtök heimilanna vilja vekja athygli neytenda á því að samkvæmt nýjum lögum um neytendalán sem samþykkt voru í mars síðastliðnum hefur tekið gildi bráðabirgðaákvæði um heimild neytenda til að sækja um flýtimeðferð mála fyrir dómstólum vegna ágreinings er varðar lögmæti verðtryggingar í lánssamningum.
Kristján Þorsteinsson hefur tekið við varaformannsembætti í Hagsmunasamtökum heimilannna af Vilhjálmi Bjarnasyni, en Vilhjálmur sagði af sér varaformennsku þar sem hann hyggur á framboð til Alþingiskosninga þann 27. apríl. Vilhjálmur víkur auk þess úr aðalstjórn samtakanna, en Jón Tryggvi Sveinsson næsti varamaður tekur þess í stað sæti í aðalstjórn.
Hagsmunasamtök heimilanna (HH) beindi nýverið fyrirspurn til Persónuverndar um það álitaefni hvort yfirfærsla persónuupplýsinga (þ.e. upplýsingar um viðskiptasögu einstaklinga) milli gömlu og nýju bankanna, án samþykkis þeirra, stæðist ákvæði laga um bankaleynd (einkum 58. og 60. gr. laga um fjármálafyrirtæki nr. 161/2002). Samtökunum hefur borist svar en í því er vísað til svars Persónuverndar við sambærilegum fyrirspurnum frá janúar 2012, þar sem m.a. kemur fram að:
Nýlega tók stjórn Íbúðalánasjóðs þá ákvörðun að stytta þann greiðslufrest sem veittur er frá gjalddaga afborgana af útlánum sjóðsins, þar til greiðsla fellur í eindaga. Hagsmunasamtökum heimilanna hafa í kjölfarið borist fjöldi fyrirspurna frá almenningi um þessa breytingu, meðal annars varðandi almennt réttmæti hennar, og er eftirfarandi ályktun stjórnar samtakanna.
Í gær fór fram málflutningur í Héraðsdómi Reykjavíkur þar sem tekist var á um frávísunarkröfu í prófmáli gegn Íbúðalánasjóði (ÍLS) vegna verðtryggðs fasteignaláns sem Hagsmunasamtök heimilanna hafa staðið að undirbúningi á. Ríkislögmaður fer með málið fyrir hönd ÍLS og krafðist frávísunar málsins frá dómi vegna meintra formgalla. Í stefnunni gegn ÍLS er byggt á lögum um neytendalán (nr. 121/1994), og rök færð fyrir því að verðtryggðir lánasamningar sem brjóta gegn skýrum ákvæðum laganna um upplýsingagjöf um heildarlántökukostnað til neytenda séu ólöglegir og því óheimilt sé að innheimta kostnað af þeim.
Úrskurður dómara um frávísunarkröfuna mun liggja fyrir á næstu vikum. Hafni dómarinn frávísunarkröfu mun lögmaður stefnenda fara fram á flýtimeðferð í aðalmeðferð málsins, en í nýjum lögum um neytendalán er að finna ákvæði um flýtimeðferð mála um lögmæti verðtryggingar lána, sem var samþykkt á Alþingi rétt fyrir þinglok. Hagsmunasamtök heimilanna vekja athygli á því að ákvæðið um flýtimeðferð gildir jafnt fyrir alla sem vilja leita úrlausnar dómstóla um ágreining vegna verðtryggingar neytendalána, einnig þeirra sem eru verðtryggð miðað við gengi erlendra gjaldmiðla.
Í ljósi fjölmiðlaumræðu síðustu daga um ný framboð vill stjórn HH árétta að samtökin styðja ekkert eitt framboð til Alþingiskosninga umfram annað. Samtökin hafa frá upphafi unnið þverpólitískt starf og verið vettvangur um hagsmuni heimilanna í landinu þar sem ALLIR, án tillits til stjórnmálaflokka, geta látið til sín taka og leitað málefnalegra lausna.
Í fréttatilkynningu frá nýstofnuðum stjórnmálaflokki síðastliðinn sunnudag, kemur fram að “áhugahópur úr Hagsmunasamtökum heimilanna” sé einn þeirra hópa sem standi að stofnun flokksins. Stjórn HH harmar þessa grófu misnotkun á nafni samtakanna. Hvorki stjórnarmenn né almennir félagsmenn hafa rétt á að spyrða samtökin við tiltekin stjórnmálaöfl eða starfa innan þeirra í nafni HH.
Það er ekkert að því að tileinka sér málstað heimilanna og nota stefnu Hagsmunasamtaka heimilanna til málefnalegs grundvallar, nú þegar hafa nokkrar stjórnmálahreyfingar gert slíkt og er það vel. Frekari tengingar en svo, eru og verða í óþökk stjórnar og þorra félagsmanna. Stjórnmálaflokkar eru beðnir að virða hlutlægni samtakanna en þeim er frjálst að styðjast við stefnumál samtakanna með málefnalegum hætti.
Stjórn Hagsmunasamtaka heimilanna
Nú styttist í að starfsári núverandi stjórnar HH ljúki en ný stjórn verður kosin á aðalfundi, sem samkvæmt samþykktum skal halda fyrir lok maímánaðar ár hvert.
Félagsmenn eru eindregið hvattir til að bjóða sig fram til stjórnarsetu og hafa þannig bein áhrif á stefnu og starf samtakanna. Þeir sem hyggja á framboð eru hvattir til þess að senda kynningatexta og mynd á netfangið
Húsfyllir var á borgarafundi HH í Stapanum, Reykjanesbæ í gærkvöldi, undir yfirskriftinni "Fast er sótt á Suðurnesjamenn", þar sem fjallað var um stöðu heimila á Suðurnesjum.
Fundarstjóri: Ólafur Arnarson, hagfræðingur.
Frummælendur: Árni Sigfússon bæjarstjóri Reykjanesbæjar, Þórólfur Halldórsson sýslumaður í Keflavík, Oddný Harðardóttir þingmaður í suðurkjördæmi og Ólafur Garðarsson formaður HH.
Fulltrúum allra flokka sem bjóða fram til Alþingiskosninga er boðið til þátttöku í pallborðsumræðum.Staðfestir þátttakendur eru: Oddný Harðardóttir (Samfylking), Inga Sigrún Atladóttir (VG) Sigurður Ingi Jóhannsson (Framsókn), Ragnheiður Elín Árnadóttir (Sjálfst.fl.) Andrea J. Ólafsdóttir (Dögun), Guðmundur Franklín Jónsson (Hægri grænir), Þorvaldur Þorvaldsson (Alþýðufylkingin), Helgi Hrafn Gunnarsson (Píratar).
Hvers vegna?
Tilgangur samtakanna er að veita fólkinu í landinu möguleika til að sameinast og að taka þátt í að verja hagsmuni heimilanna, og vera talsmaður og málsvari í umræðum um hagsmuni heimilanna.
Flýtileiðir
Styrkir
Viltu styrkja samtökin?
Kennitala:
520209-2120
Reikningsnúmer:
1110-26-5202
Smelltu hér til að skrá þig í samtökin.
