Símatími

Mán - þri kl. 10-13

Á döfinni

Niðurstöður aðalfundar 2022

Niðurstöður aðalfundar 2022

Aðalfundur Hagsmunasamtaka heimilanna 2022 var haldinn 23. febrúar síðastliðinn. Á fundinum var kosin ný stjórn sem hefur nú skipt með sér verkum og er skipuð þannig:

  • Ásthildur Lóa Þórsdóttir formaður
  • Guðmundur Ásgeirsson varaformaður
  • Sigríður Örlygsdóttir gjaldkeri
  • Einar Valur Ingimundarson ritari
  • Hafþór Ólafsson meðstjórnandi

Varamenn: Álfheiður Eymarsdóttir, Björn Kristján Arnarson, Ragnar Unnarsson og Stefán Stefánsson. Þau hafa flest starfað áður í stjórn samtakanna en Álfheiður Eymarsdóttir kemur ný inn í varastjórn.

Aðalfundurinn samþykkti að félagsgjöld 2022 verði óbreytt 4.900 kr. og valkvæð sem fyrr. Þá voru skoðunarmenn reikninga samtakanna, Sigfríð Gerður Hallgrímsdóttir og Sólveig Sigurgeirsdóttir, endurkjörnar. Aðalfundur hefur einnig samþykkt skráningu samtakanna sem almannheillafélag og samþykkt breytingar á samþykktum Hagsmunasamtaka heimilanna til að uppfylla skilyrði til löglegrar skráningar.

Loks samþykkti aðalfundurinn eftirfarandi ályktun:

 

Ályktun aðalfundar Hagsmunasamtaka heimilanna 2022 um húsnæðismál

Það er frumskylda stjórnmálamanna að vernda lífsskilyrði vinnandi fólks og nú verða ráðamenn að stíga fram með margþættar lausnir í húsnæðismálum. Það er ekki lengur hægt að bjóða Íslendingum upp á ómannúðlegan húsnæðismarkað, ótryggan leigumarkað og verðtryggðar skuldbindingar í húsnæðismálum.

Verðtrygging lána og húsaleigu bitnar verst á lág- og millitekjuhópum og er því fátækrargildra. Ekki síst þegar verðbólga er há. Hvergi á Vesturlöndum er verðtrygging á fasteignalánum eða öðrum neytendalánum því lán með svipaða eiginleika hafa víðast hvar verið bönnuð vegna neytendaverndarsjónarmiða. 

Samtökin kalla eftir aðgerðum til framtíðar sem eru til þess fallnar að styrkja og bæta húsnæðisöryggi landsmanna á víðum grundvelli.



Sigtúni 42
105 Reykjavík
ICELAND

(+354) 546 1501
heimilin@heimilin.is

Hvers vegna?

Tilgangur samtakanna er að veita fólkinu í landinu möguleika til að sameinast og að taka þátt í að verja hagsmuni heimilanna, og vera talsmaður og málsvari í umræðum um hagsmuni heimilanna.

Styrkir

Viltu styrkja samtökin?
Kennitala:
520209-2120
Reikningsnúmer:
1110-26-5202

Smelltu hér til að skrá þig í samtökin.