Símatími

Mán - þri kl. 10-13

Á döfinni

Lögsókn gegn verðtryggingu neytendalána

Stofnaður hefur verið sérstakur reikningur í nafni Hagsmunasamtaka heimilanna til að fara í málarekstur til að fá úr því skorið hvort verðbindandi ákvæði í neytendalánum standist lög. Lagateymi HH hefur verið að hittast að undanförnu til að ræða áætlun um málsókn og hafa fundist þó nokkrar gapandi holur í lagagrunni verðtryggingar. Komin er gróf mynd á áætlunina og mun hún skerpast enn frekar á næstu vikum.

Mikil vinna er framundan við gagnaöflun greinargerðir ofl. lagalegs eðlis. Hagsmunasamtök heimilanna bjóða nú félagsmönnum sem öðrum að leggja málefninu lið með fjárframlögum inn á bankareikning 1110-05-250427 kt. 520209-2120. Nú þegar eru yfir 1.100.000 á reikningnum sem samtökin hafa lagt til úr félagssjóði auk framlaga stjórnarmanna. Fyrir liggja loforð frá nokkrum aðilum sem munu væntanlega tínast inn á næstunni.

Þess ber að geta að samtökin geta hvorki þegið framlög frá stjórnmálaflokkum né fjármálafyrirtækjum.

Ofangreindri mynd var bísað af vef Kristjáns Þórs Júlíussonar sem sagði verðtryggð lán í hæstu hæðum og leggur til að þau séu tekin niður. Við tökum undir með Kristjáni og biðjum menn að lenda þessari biluðu vél áður en stórslys hlýst af.

 

Sigtúni 42
105 Reykjavík
ICELAND

(+354) 546 1501
heimilin@heimilin.is

Hvers vegna?

Tilgangur samtakanna er að veita fólkinu í landinu möguleika til að sameinast og að taka þátt í að verja hagsmuni heimilanna, og vera talsmaður og málsvari í umræðum um hagsmuni heimilanna.

Styrkir

Viltu styrkja samtökin?
Kennitala:
520209-2120
Reikningsnúmer:
1110-26-5202

Smelltu hér til að skrá þig í samtökin.