Símatími

Mán - þri kl. 10-13

Á döfinni

Fimm stærstu bankarnir semja við bandarísk stjórnvöld um leiðréttin​gar húsnæðislá​na

Bandarísk stjórnvöld eru að ná samkomulagi við fimm af stærstu bönkum landsins um leiðréttingar húsnæðislána.  Alls mun um 26 milljörðum dollara verða varið til aðgerðarinnar, sem felst í því að skuldir verða að hluta til lækkaðar og í öðrum tilvikum endurfjármagnaðar á lægri vöxtum.  Um 750 þúsund Bandaríkjamenn, sem misst hafa heimili sín frá september 2008 til loka 2011 fá sendan tékka, sem nemur 2000 dollurum. Samtals hafa um 4 milljónir manna misst heimili sín í Bandaríkjunum frá ársbyrjun 2007.



Þessi 26 milljarða dollara aðgerð mun aðeins hjálpa hlutfallslega litlum hópi þeirra milljóna skuldara sem eru í alvarlegum vanda staddir, en samkvæmt  New York Times skulda um 20% bandarískra húsnæðiseigenda meira en virði húseigna sinna.  Samtals nema skuldir umfram eignir um 700 milljörðum dollara.  Það má einnig ljóst vera að 2000 dollarar hafa harla lítið að segja fyrir þá einstaklinga sem misst hafa heimili sín. Samkomulagið mun því líklega ekki skipta sköpum hvað varðar skuldavanda bandarískra heimila. 

Ástralski hagfræðingurinn Steve Keen var einn þeirra sem spáði fyrir um hið alþjóðlega fjármálahrun, en hann var einmitt í viðtali í Silfri Egils nú um helgina.  Keen mælist til þess að þjóðir heims fari í róttækar aðgerðir til að færa niður skuldir almennings.  Ríkisstjórnir verði að viðurkenna ósjálfbæra skuldastöðu heimilanna ef það á að takast að finna leið út úr efnahagskreppunni.  Þá er líklega þörf á mun stærri aðgerðum en þeim sem bandaríkjastjórn hyggst nú ráðast í.

Sjá nánar í New York Times:

Sigtúni 42
105 Reykjavík
ICELAND

(+354) 546 1501
heimilin@heimilin.is

Hvers vegna?

Tilgangur samtakanna er að veita fólkinu í landinu möguleika til að sameinast og að taka þátt í að verja hagsmuni heimilanna, og vera talsmaður og málsvari í umræðum um hagsmuni heimilanna.

Styrkir

Viltu styrkja samtökin?
Kennitala:
520209-2120
Reikningsnúmer:
1110-26-5202

Smelltu hér til að skrá þig í samtökin.