Sagan

Hagsmunasamtök heimilanna voru stofnuð 15. janúar 2009 og eru frjáls og óháð hagsmunasamtök, til varnar og til hagsbóta fyrir heimilin í landinu. Samtökin byggja á lýðræðislegum grunni þar sem félagar hafa jafnan rétt til áhrifa. Tilgangur samtakanna er að veita fólkinu í landinu möguleika til að sameinast um og taka þátt í að verja hagsmuni heimilanna með þátttöku sinni, vera talsmaður og málsvari í umræðu um hagsmuni þeirra til skemmri og lengri tíma. 

Helsta skammtímamarkmið við stofnun var að taka á brýnum fjárhagsvanda heimilanna í landinu, vegna þess ástands sem skapaðist í efnahagsmálum og forða heimilunum í landinu frá ósanngjarnri eignaupptöku, óbærilegum skuldaklyfjum og upplausn. Stórfelld eignaupptaka átti sér þó stað á íslenskum heimilum eftir hrun og við endurreisn bankanna. 

Félagsmenn eru hvattir til þess að taka þátt í starfssemi samtakanna og taka þannig beinan þátt í hagsmunagæslu í þágu heimilanna í landinu.


Stjórn Hagsmunasamtaka heimilanna