Menu
RSS

Aðalfundur Hagsmunasamtaka heimilanna 2018

Kæru félagsmenn,
Hagsmunasamtök heimilanna boða hér með til aðalfundar, sem verður haldinn þriðjudagskvöldið 20. febrúar næstkomandi, kl. 20:00 á Hótel Cabin við Borgartún 32, í ráðstefnusal á 7. hæð.*

* Athugið að til þess að komast upp á 7. hæð þarf að fara í lyftu sem er í vesturenda hússins, fyrir innan gestamóttöku hótelsins.

Dagskrá:

  1. Skipun fundarstjóra, ritara, og fundarsetning
  2. Skýrsla stjórnar: Ásthildur Lóa Þórsdóttir, formaður
  3. Reikningar samtakanna: Guðrún Harðardóttir, gjaldkeri
  4. Tillaga stjórnar um ákvörðun félagsgjalda
  5. Tillögur um breytingar á samþykktum
  6. Kosning 7 aðalmanna í stjórn
  7. Kosning 3-7 varamanna í stjórn
  8. Kosning skoðunarmanna
  9. Önnur mál

Tilhögun kosningar til stjórnar verður með þeim hætti að í hvorri umferð má hver atkvæðisbær fundarmaður greiða allt að sjö frambjóðendum atkvæði og ræður hreint atkvæðamagn úrslitum. Þurfi að skera úr um röð ef tveir eða fleiri hljóta jafn mörg atkvæði verður dregið um innbyrðis röð þeirra.

Tillögur um breytingar á samþykktum

Undir 5. dagskrárlið aðalfundar verða eftirfarandi tillögur um breytingar á samþykktum samtakanna teknar til umræðu og atkvæðagreiðslu.

Firmaritun félagsins
• Við 1. mgr. 9. gr. bætist nýr málsliður svohljóðandi: Firma félagsins ritar meirihluti stjórnar.

Skýringar: Tillagan felur ekki í sér efnislega breytingu heldur aðeins formfestingu á þeirri meginreglu félagaréttar að meirihluti stjórnar sé til þess bær að rita firma félagsins.

Fimm ára hámark stjórnarsetu
• 2. mgr. 9. gr. falli brott.

Skýringar: Samkvæmt núgildandi ákvæði 2. mgr. 9. gr. mega stjórnarmenn ekki sitja lengur í stjórn samtakanna en fimm óslitin kjörtímabil samfellt. Lagt er til að sú takmörkun verði afnumin.

Mætingarskylda stjórnarmanna
• Í stað orðsins „Afsali“ í 3. málsl. 5. mgr. 9. gr. komi: Fyrirgerir.
• Í stað orðsins „taki“ hvar sem það kemur fyrir í 3. málsl. 5. mgr. 9. gr. komi: tekur.

Skýringar: Samkvæmt meginreglum félagaréttar hvílir almennt sú skylda á stjórnarmönnum félaga að mæta á löglega boðaða stjórnarfundi nema þeir boði forföll af lögmætum ástæðum. Reglan þjónar meðal annars þeim tilgangi að draga skýrar línur um ábyrgð stjórnarmanna og skapa svigrúm til að bregðast við forföllum með því að kalla til varamenn. Þetta hefur verið formfest í samþykktum HH með því að vanræksla á mætingar- og tilkynningaskyldu leiði til þess að viðkomandi stjórnarmaður missi sæti sitt í aðalstjórn og færist niður í sæti síðasta varamanns. Tillaga þessi felur ekki í sér neina efnislega breytingu á þeirri reglu heldur einungis að orðalag ákvæðanna verði gert réttara og skýrara.

Framboðsfrestur og fundargögn

Framboðsfrestur til stjórnarkjörs er 7 dögum fyrir aðalfund eða til 13. febrúar. Framboð má tilkynna með tölvupósti á netfang samtakanna: This email address is being protected from spambots. You need JavaScript enabled to view it..

Einnig er óskað eftir tilnefningum skoðunarmanna og sjálfboðaliðum í talningu atkvæða á fundinum.

Fundargögn verða birt á heimasíðu samtakanna í aðdraganda aðalfundarins.


Bestu kveðjur,
Hagsmunasamtök heimilanna

Read more...

Ný stjórn Hagsmunasamtaka heimilanna 2017

Ný stjórn var kjörin á aðalfundi Hagsmunasamtaka heimilanna þann 30. maí sl.

Formaður er Ásthildur Lóa Þórsdóttir og varaformaður Vilhjálmur Bjarnason Ekki fjárfestir. Aðrir í stjórn eru Guðrún Bryndís Harðardóttir gjaldkeri, Róbert Þ Bender ritari, Hafþór Ólafsson, Jóhann Rúnar Sigurðsson og Ólafur Garðarsson.

Nýkjörin stjórn mun beita sér fyrir því að stjórnmálamenn taki ábyrgð sína á þeim grófu mannréttindabrotum sem framin hafa verið á þúsundum heimila í skjóli vafasamra lagasetninga. Stjórnvöld hafa með misráðnum gjörðum sínum gefið bönkum og fjármálastofnunum eftirlitslaust veiðileyfi á almenning sem hefur haft skelfilegar afleiðingar í för með sér fyrir margar fjölskyldur. Það eru næstum níu ár frá hruni og komin tími til að hreinsa til og lyfta leyndinni af aðgerðum stjórnvalda í kjölfar þess. Almenningur á Íslandi er ekki fóður fyrir bankana og löngu kominn tími til að afnema verðtryggingu á lánum heimilanna og leiðrétta afleita stöðu þeirra sem tóku gengistryggð lán á árunum fyrir hrun.

Ásthildur Lóa Þórsdóttir

Ásthildur Lóa Þórsdóttir formaður HH 2017

Read more...

Niðurstöður aðalfundar 2017

Aðalfundur Hagsmunasamtaka heimilanna var haldinn þann 30. maí síðastliðinn. Á aðalfundinum var gerð grein fyrir starfseminni undanfarið ár. Að tillögu stjórnar var ákveðið að félagsgjöld yrðu óbreytt. Gerð var breyting á samþykktum samtakanna þess efnis að halda skuli aðalfund eigi síðar en í febrúar ár hvert og jafnframt var kosið í stjórn samtakanna sem hefur nú skipt með sér verkum.

Stjórn Hagsmunasamtaka heimilanna 2017:

Read more...

Alþingi

Gagnlegar upplýsingar

Leiðbeiningar í lánamálum heimilanna