HAGSMUNASAMTÖK HEIMILANNA

Sjórn Hagsumanasamtaka heimilanna vill koma eftirfarandi á framfæri vegna misskilnings sem virðist stundum koma upp í fjölmiðlum og víðar um skipulag og framkvæmd útifunda á Austurvelli, auk málflutnings og aðgerða frá Hagsmunasamtökum heimilanna (HH) og Nýju Íslandi (NÍ).

Varðandi samvinnu HH við NÍ er rétt að greina frá því að HH hefur átt í samvinnu við NÍ um 10 útifundi á Austurvelli um þau brýnu mál sem varða skuldavanda heimilanna á undanförnum vikum. Bæði NÍ og HH höfðu í hyggju að hefja fundi á Austurvelli á laugardögum og töldu báðir aðilar hyggilegast að hefja samvinnu um fundarhöldin frekar en að keppa um "yfirráð" vallarins. Engin tilraun var gerð til að stýra stefnumálum hvors annars en reynt að ná samhljómi í málflutningi eftir bestu getu innan þessara viðburða, til hagsbóta fyrir heimilin í landinu.

Á milli 800 og 1000 manns sóttu kröfu/samstöðufund HH og NÍ laugard. 13. febrúar 2010. Ræðumenn voru Ólafur Garðarsson og Ásta Hafberg, fundarstjóri Guðrún Dadda Ásmundardóttir. Lúvík Lúðvíksson NÍ hélt einnig stutta tölu. Í lokin röppuðu Móri og Messías. Þess má geta að lagið þeirra var samið 2001 en smellpassar við núverandi ástand. Sjá má og heyra ræðurnar og í listamönnunum á hjara veraldar.

Mál nr.                         E-7206/2009:
Stefnandi:                   Lýsing hf. (Sigurmar Kristján Albertsson hrl.)

Stefndu:                      Jóhann Rafn Heiðarsson (Ólafur Rúnar Ólafsson hdl.)
                                     Trausti Snær Friðriksson

Dómari:                       Áslaug Björgvinsdóttir, settur héraðsdómari

Óhætt er að segja að niðurstaða máls nr. E-7206/200 markar tímamót í réttarbaráttu lántakenda. Kannski má segja að staðan sé 1 - 1 en í ljósi vel ígrundaðs rökstuðnings Áslaugar Björgvinsdóttur má auðveldlega halda fram að lántakendur hafi í myndmáli "skorað lang flottasta markið". Við hvetjum alla sem hafa áhuga á niðurstöðum þessara mála að lesa dóminn vandlega.

Þriðja greiðsluverkfall HH hefur verið ákveðið að byrji 19. febrúar 2010. Að þessu sinni er það ótímabundið. Við höfum fengið okkur full södd af aðgerðarleysi stjórnvalda og sýndarmennsku banka með innihaldlausu ímyndarauglýsingaskrumi. Brýnar réttarbætur til handa lántakendum hafa verið látnar sitja á hakanum og ekkert bólar á alvöru leiðréttingum á stökkbreyttum lánum og gölnum verðbótum. Siðlaus eignaupptaka ríkis og banka hjá almenningi byggð á forsendubresti sem þessir sömu aðilar bera ábyrgð á er enn á fullu skriði.

Í fyrsta greiðsluverkfallinu (2 vikur) var þátttaka meðal félagsmanna HH yfir 40% samkvæmt könnun okkar um áramótin. Annað greiðsluverkfallið sem var í við lengra þ.e. 3 vikur, fékk 36% þátttöku meðal félagsmanna HH. Einnig kom í ljós að stuðningur við Hagsmunasamtök heimilanna nær langt út fyrir raðir félagsmanna. Almenn þátttaka í fyrsta greiðsluverkfallinu mældist 30% samkvæmt óformlegum könnunum. Það eru tæplega 40 þúsund heimili eða um 100 þúsund manns ef allir í fjölskyldunni eru taldir með. Seinna greiðsluverkfallið gerði um 24% almenna þátttöku sem gerir yfir 75 þúsund manns.

Ekki er reiknað með svo afgerandi þátttöku almennings í ótímabundnu greiðsluverkfalli enda um meiri fjárhagslega áhættu að ræða hvað varðar ítrustu aðgerðir. Þátttaka er þó vel möguleg án slíkrar áhættu en leiðirnar til þátttöku eru útlistaðar hér: Leiðir til þátttöku

Yfirlýsingu greiðsluverkfallsstjórnar HH má lesa hér

Kröfur Hagsmunasamtaka heimilanna má lesa hér

Stöndum vörð um heimilin – Ræða á Austurvelli 6.02.2010

Marinó G. Njálsson

Fyrir tæpu ári hélt ég ræðu hér á Austurvelli.  Hún byrjaði á þessum orðum:

„Það er komin ný ríkisstjórn og það örlar á breytingum, enda tími til kominn.“

Mikið hafði ég rangt fyrir mér.  Ég, eins og svo margir aðrir, lét blekkjast af fögrum orðum Jóhönnu og Steingríms um að þau ætluðu að slá skjaldborg um heimilin.  Ég misskildi málið og áttaði mig ekki á því að skjaldborgin var til að tryggja að heimilin færu ekkert og peningarnir bara til bankanna.  Það átti að tryggja að fjármálafyrirtækin næðu til sín eignum heimilanna eins hratt og hægt væri.

Eftirfarandi pistill kemur frá Tom Jefferson, Íslandsvin og fyrrum bankastjóra fjárfestingabanka í Kanada. HH tekur ekki afstöðu til skoðana hans á Icesave málinu en takið eftir hvað hann segir um peningamálin, stöðu banka og hvernig peningar eru "framleiddir" í vestrænum hagkerfum. Greinin kom upphaflega á ensku og Jóhann Ágúst Hansen þýddi hana okkur til mikillar ánægju.

Grein eftir Tom Jeffersson.
Þýðandi: Jóhann Ágúst Hansen

“Orð skulu standa”

Mér hefur verið sagt að á ensku þýði þessi orð “Words shall stand” eða jafnvel, “honor your promise”.
Við höfum svipuð orðatiltæki á ensku: “A promise made is a debt unpaid” og “Stand by your word”, eru tvö algengustu.
Að ganga á bak orða sinna er alvarlegt mál. Þetta vita bankamenn og þeir treysta á samvisku þína sem helsta vopn sitt í ánauð okkar.

Eftirfarandi ályktun var borin upp á útifundi á Austurvelli 30. jan. 2010 af Ámunda Loftssyni og samþykkt af fundarmönnum með lófataki.

"Með réttlætingu í fjármálalegu neyðarástandi á Íslandi hafa ríkisstjórnir landsins hafið til vegs nýja yfirstétt. Með lagavaldi, erlendum lántökum og hertri skattheimtu er innistæðueigendum og fjárfestum hlíft við öllum afleiðingum þess að þeir með vaxtagræðgi sinni og óraunhæfum arðskröfum komu bankastarfsemi landsins í þrot haustið 2008.

Fjármálaeftirlitið hefur eftir 7 mánaða bið svarað Hagsmunasamtökum heimilanna með því bréfi sem hér er birt. Í bréfinu var óskað eftir rökstuddri afstöðu FME til lögmætis gengistryggðra lána. Svar FME er dagsett 18. desember.

Sækja svarbréf FME hér (PDF).