HAGSMUNASAMTÖK HEIMILANNA

Fréttatilkynning frá Hagsmunasamtökum
heimilanna vegna gengistryggðra lána

Hagsmunasamtök heimilanna hvetja allar lánastofnanir, sem veitt hafa lán er gætu fallið undir dóma Hæstaréttar nr. 92/2010 og 153/2010, að stöðva allar innheimtuaðgerðir vegna þeirra lána hvort heldur þau voru veitt til einstaklinga eða fyrirtækja.  Að minnsta kosti skal takmarka innheimtu við upphaflega greiðsluáætlun, þ.e. án allra breytinga á gengi.

Forráðamenn fjölmargra fjármálafyrirtækja hafa komið fram í fjölmiðlum, lýst lán síns fyrirtækis vera öðruvísi en þau lán sem fjallað var um í dómum Hæstaréttar og dómana því ekki ná til þeirra.  Samtökin furða sig á þessum yfirlýsingum, þar sem dómar Hæstaréttar eru mjög afdráttarlausir varðandi ólögmæti gengistryggingar.  Í dómsorði með dómi nr. 153/2010 segir m.a.:

Hagsmunasamtökum heimilanna barst bréf frá efnahags- og viðskiptaráðuneytinu sl. föstudag, þar sem samtökin voru beðin um tillögu að málsmeðferð vegna dóma Hæstaréttar um gengistryggð lán.  Samtökin sendu ráðuneytinu ályktun um efnið í morgun er það að finna í meðfylgjandi skjali.

Ályktun Hagsmunasamtaka heimilanna um málsmeðferð gengistryggðra lána eftir niðurstöðu Hæstaréttar

TIL HAMINGJU ÍSLENDINGAR
Fjármálastofnanirnar fengu gula spjaldið frá Héraðstdómi Reykjavíkur og nú rauða spjaldið frá dómurum Hæstaréttar. Fjármálafyrirtæki landsins hafa flest farið gróflega út af sínu spori undanfarin ár, sem bakhjarl heimila og fyrirtækja. Þær stofnanir landsins sem áttu að sjá til þess að vörur fjármálafyrirtækja væru boðlegar neytendum og löglegar brugðust algerlega hlutverki sínu.  Nú hefur fjölskipaður Hæstiréttur úrskurðað í þremur fordæmisgefandi málum að fjölmargar fjármálavörur, sem hafa verið í boði fyrir neytendur og atvinnulíf undanfarin ár séu ólöglegar, þ.m.t. gengistrygging fjárskuldbindinga.

Spennan í dómsal var næstum óbærileg mínúturnar í aðdraganda dómsuppkvaðningar Hæstaréttar. Hæstiréttur hefur staðfest skilning okkar á lögum um vexti og verðbætur (38/2001) hvar bannað er að miða verðbreytingar lána við dagsgengi erlendra gjaldmiðla. Til hamingju heimili landsmanna. Sjá nánar hér síðar um þennan viðburð.

Sjá dómsniðurstöður hér:

http://haestirettur.is/domar?nr=6715
http://haestirettur.is/domar?nr=6714
http://haestirettur.is/domar?nr=6719

Stjórn Hagsmunasamtaka heimilanna vill benda á að fullyrðingar forsætisráðherra um að aðgerðir stjórnvalda hafi bjargað þúsundum heimila frá gjaldþroti, standast ekki skoðun. Þrátt fyrir þá staðreynd að fjármálastofnanir hafa í stórum stíl haldið að sér höndum með aðfarargerðir liggja fyrir þúsundir nauðungarsölubeiðna hjá sýslumönnum.

Ástandið versnar með degi hverjum og því lengur sem beðið er með alvöru aðgerðir því erfiðara verður að greiða úr flækjunni. Þær upplýsingar sem hafa borist HH síðastliðið ár auk nýrra upplýsinga frá Creditinfo gefa ekki tilefni til að fagna árangri hjá stjórnvöldum.

Tvö mál er varða gengistryggingu neytendalána voru flutt fyrir Hæstarétti miðvikudagsmorgun 2. júní 2010. Ólafur Rúnar Ólafsson varðist fyrir Jóhann Rafn Hreiðarsson og Trausta Snæ Friðriksson, sókn Sigurmars K. Albertssonar fyrir Lýsingu hf. Sigurmar K. Albertsson varði einnig SP-fjármögnun gegn áfrýjun Björns Þorra Viktorssonar fyrir Óskar Sindra Atlason. Málin voru flutt sem einn viðburður saman fyrir fimm dómurum hæstaréttar, en vegna líkinda með málunum skiptu lögmennirnir með sér verkum. Lögmennirnir reyndu að forðast að endurtaka efnistök hvors annars og náðu þannig væntanlega fram umtalsverðum tímasparnaði bæði fyrir sig sjálfa og Hæstarétt.

Tilvitnun í umsögn Landsbanka Íslands frá 1966 um frumvarp sem þá var lagt fram á Alþingi:

Samþykkt þessara ákvæða, þótt aðeins sé i heimildarformi, getur aðeins vakið tálvonir um úrlausnir eftir ófærum leiðum og dregið athyglina frá aðalatriðinu, að til er ein örugg leið til verðtryggingar á sparifé, sem sé að forðast það, sem verðrýrnuninni veldur, sjálfa verðbólguna.

Eftirfarandi er tilvitnun í Úlf Eldjárn en lesa má allt viðtalið við á mbl með því að smella á hlekkinn neðst. Úlfur var einnig í viðtali við Egil Helgason á RÚV sunnudaginn 9. maí 2010

"Það versta er að þótt stjórnmálamennirnir segi annað, þá hagar kerfið sér samt eins og vandi skuldara sé sjálfsprottinn – þeim sjálfum að kenna. Kerfið kemur fram við fólk í skuldavandræðum eins og fjáróreiðumenn á meðan vandi þeirra er í raun tilkominn vegna vanhæfra stjórnmálamanna, mistaka embættismanna og ekki síst siðleysis og glæpa fyrrverandi eigenda og stjórnenda bankanna."

Smelltu hér til að lesa alla greinina.