Menu
RSS

Articles

Lausn á vanda Íslandsbanka með hjálp einstaklinga

Það þykir sérdeilis góður kostur nú á tímum að vera lausnar-miðaður eins og gjarnan er sagt á fremur óþjálli nútíma íslensku. Orðið lausnari kemur líka í hugann, fagurt íslenskt orð sem segja má að sé nánast samheiti orðsins frelsari enda hafa bæði orðin verið notuð jöfnum höndum um Krist sjálfan í tímans rás. Nú hefur Íslandsbanki af rausnarskap sínum boðist til að gerast eins konar lausnarmiðaður lausnari lánþega á borð við mig og auglýsir linnulítið og feitu letri: „Lausnir Íslandsbanka fyrir einstaklinga“. Í mínu tilviki miðast lausnir bankans við það að lækka höfuðstólinn (eftirstöðvarnar sem hækkað hafa um 117% miðað við áætlun) af gengistryggða húsnæðisláninu mínu um 25%, breyta því í leiðinni í íslenskt lán með breytilegum vöxtum og lækka greiðslubyrðina fyrstu mánuðina um 36%. Er nema von að maður tárist af hugulseminni sem manni er sýnd á viðsjárverðum og þungbærum tímum.

Read more: Lausn á vanda Íslandsbanka með hjálp einstaklinga

Lánþegi hjá Arion ekki sáttur við lausnirnar

Mig langar að benda  á mitt sjónarhorn varðandi húsnæðislán út frá “nýjustu lausnum”  Kb/Arion banka....
En til að gera langa sögu stutta, þá t.d skuldaði ég c.a. 40% af markaðsvirði í húsinu mínu á sínum tíma...  Svissaði síðan yfir í erlent... skuldaði enn 40%.  Svo hrynur allt eins og þjóðin þekkir...  Í dag á ég ekkert, get ekki selt húsið mitt, fasteignaverðið hrunið...  eins og svo margir aðrir.
Síðan kemur hér eitt mikilvægt atriði... FASTEIGNAMAT RÍKISSINS HÆKKAR FASTEIGNAMAT Á HÚSINU MÍNU ÚR 53 MILLUM Í 69 MILLUR  á þessu ári.  Ég kvarta á þeim forsendum að ég búi ekki í fullbúni húsi, á eftir að klára hjá mér neðri hæðina, og bílskúr, ekki komin endanleg gólfefni, flísalagnir á böðum ekki búnar og annað.  Fæ svarbréf í vikunni um að matið upp á 69 millur standi,  þeir séu með kaupsamninga á öðrum húsum í mínu hverfi (Salahverfi í Kópavogi) sem hafi selst á svo og svo mikið á þessu ári.  (Ég fæ nákvæmt yfirlit yfir hvaða hús og verðið á þeim).

Read more: Lánþegi hjá Arion ekki sáttur við lausnirnar

Viðvörun vegna gengistryggðra lána

Þetta bréf barst frá Kristínu Snæfells Arnþórsdóttur:

"VIÐVÖRUN TIL YKKAR ALLRA MEÐ GENGISLÁNIN

Sem betur fer þá tók ég eftir þessum litlu stöfum sem bankinn hafði breytt frá upphaflegum samningi því ég var sjálf að skrifa undir breytingaskilmálana með 23% niðurfellingunni (Þeir eru svo almennilegir. ……………eða hitt þó….)
 
Til ykkar sem hafið tekið gengislán, þ.e. bíla eða íbúðarlán. Um þessar mundir bjóða bankarnir uppá ca 23% eða hvað sem það nú er hjá mismunandi banka - -niðurfellingu á upphaflegum lánasamningi og við það breytist lánið í ísl. lán. ATH AÐ NÝJI SAMNINGURINN ER MEÐ BREYTTU SAMNINGSNÚMERI, SEM GERIÐ YKKUR RÉTTLAUS VERÐI GENGISLÁNIN GERÐ ÓLÖGLEG. Áríðandi er að skrifa eftirfarandi klausu á ÖLL undirskrifuð skjöl – því það er einungis skrifuð breyting frá fyrri samningi á einu blaði – en ekki öðrum skjölum þar sem þú þarft að skrifa undir með 2 vottum:

Read more: Viðvörun vegna gengistryggðra lána

Saga Valgeirs Sverrissonar

Fjármála - hörmungarsaga númer 199.981.000 Fyrir þá sem þola meira. Það er að bera í bakkafullan læk að greina frá hörmungum íbúðarkaupenda á Íslandi í gegn um tíðina. Samt er ég ákveðinn í að deila með þjóðinni mínum hörmungum, sem væri mér afar kært að heyrðu til undantekninga, en svo er ekki raunin. Til að byrja á sögunni, þá má rekja upphafið aftur til haustsins 1978. Þá keyptum ég og sambýliskona mín okkar fyrstu íbúð, þá var ég 18 og hún 17 ára gömul. Þessi íbúð er staðsett í gamla innbænum á Akureyri, 72 fermetrar. Þessi kaup fóru þannig fram að sparimerki sem þá voru og hétu fengust greidd út við íbúðakaup og voru útborgunin og svo yfirtaka lána þá óverðtryggð og verðtryggð. Þetta var alveg að gera sig og bjuggum við þarna í uþb 4 ár. Man ekki kaupverðið, en þetta var fyrir myntbreytinguna alræmdu 1981.

Read more: Saga Valgeirs Sverrissonar

Almennur fyrirvari vegna greiðslujöfnunar

Samtökin fengu í dag tölvupóst, þar sem sendandinn veltir fyrir sér hvort einhver gildra felist í því að afþakka greiðslujöfnun lána.  Eða svo vitnað sé orðrétt í póstinn:

Var að velta fyrir mér hvort HH hafi velt fyrir sér þeim möguleika að lög um greiðslujöfnun séu einungis sett til að flokka frá þá sem hafa hugsað sér að reyna til hins ítrasta að borga af sínum lánum.

Ég tel að í kjölfar á því að stór hluti landsmanna afþakki úrræðið muni ríkisstjórnin koma með niðurfellingu á höfuðstóli lána til handa þeim sem taka þátt í greiðslujöfnuninni. Við hina verður sagt "því miður þú afþakkaðir greiðslujöfnunina og lýstir því þar með yfir að þú gætir borgað þínar skuldir".

Read more: Almennur fyrirvari vegna greiðslujöfnunar

Alþingi

Gagnlegar upplýsingar

Leiðbeiningar í lánamálum heimilanna