Menu
RSS

Borgarafundur í Háskólabíói

Borgarafundur: Er verðtryggingin að kæfa heimilin?

Mánudagskvöldið 23. janúar verður borgarafundur haldinn í Háskólabíói þar sem staða lánþega verður í brennidepli. Fundurinn hefst klukkan 20:00 og stendur í tvo tíma. Auk reynslusagna verður farið í það hvernig verðtryggingin virkar og bent á lausnir.

Fundurinn er sjálfstætt framhald fjölmenns fundar sem haldinn var á sama stað síðastliðið haust og bar yfirskriftina: Er lögmætur eigandi skuldarinnar að rukka þig? Á bak við undirbúning hans voru nokkrir félagar sem stóðu fyrir borgarafundunum í Reykjavík og á Akureyri veturna 2008-2009 og 2009-2010. Fleiri hafa bæst í hópinn nú enda fundurinn með nokkuð öðru sniði en sá í haust.

Framsögumenn eru allt þekktir bloggarar og/eða greinahöfundar sem hafa látið málefni lánþega til sín taka. Ólöf Guðný Valdimarsdóttir, arkitekt, skrifaði þó nokkrar greinar á visir.is síðastliðið sumar. Karl Sigfússon, verkfræðingur, skrifaði greinina: Ég er kúgaður millistéttarauli“ sem vakti gríðarlega athygli. Þessi segja sögu sína á fundinum en setjast þá í pallborð með Sverri Bollasyni, skipulagsverkfræðingi sem er meðal þeirra sem standa á bak við Fésbókarsíðuna: „Skuldabyrði ungs fólks“.

Áherslan á seinni hluta fundarins beinist að lausnum og því hvernig verðtryggingin virkar. Framsögumenn í þeim hluta eru: Marinó G. Njálsson, ráðgjafi sem er vel þekktur fyrir skelegg og skýr bloggskrif um málefni lánþega gagnvart bönkunum. Guðbjörn Jónsson, fyrrverandi ráðgjafi, er ekki síður skeleggur bloggari en hann hefur líka gert fræðslumyndband í þremur hlutum um verðtrygginguna sem er aðgengilegt inni á You Tube.

Með þessum tveimur í pallborði verða: Andrea J. Ólafsdóttir, formaður Hagsmunasamtaka heimilanna og Ragnar Þór Ingólfsson, stjórnarmaður í VR.

Eiríkur S. Svavarsson og Rakel Sigurgeirsdóttir skipta með sér fundarstjórn á fundinum.

 

 

back to top

Alþingi

Gagnlegar upplýsingar

Leiðbeiningar í lánamálum heimilanna