Enn einn vel heppnaður kröfufundur á Austurvelli er að baki. Ræðumenn voru Bjarki Steingrímsson, varaformaður VR, Axel Pétur Axelsson, stjórnarmaður Hagsmunasamtaka heimilanna og Einar Már Guðmundsson, rithöfundur. Lúðvík Lúðvíksson var fundarstjóri. Í lokin fluttu Föruneyti rokksins tvö lög (Ugla og Saga). Björn Þorri Viktorsson lögfr. gaf heitt kakó, nokkrir þingmenn komu út að fylgjast með. Fundurinn var haldinn í samvinnu við Nýtt Ísland.

Af gefnu tilefni vill stjórn HH geta þess að skoðanir ræðumanna eru ávallt þeirra eigin. Fundirnir eru vettvangur til að viðra ýmis sjónarmið, fundargestir taka undir eins og þá listir. Fundirnir eru ekki til þess gerðir að einoka með stefnu HH en sjónarmið HH fá alltaf að heyrast og kröfur samtakanna um leiðréttingu stökkbreyttra lána heimilanna eru grunntónninn í fundunum. 

Við hvetjum félagsmenn að koma og láta í sér heyra á hverjum laugardegi. Þessir fundir eru komnir til að vera á laugardögum kl. 15:00 í vetur.