Vésteinn Gauti Hauksson varaformaður og Marinó G Njálsson ritari stjórnar hafa fyrir hönd Hagsmunasamtaka heimilanna móttekið styrktarframlag N1 að upphæð kr. 2,25 millj. í sjóð samtakanna.  N1 ákvað að endurgreiða ofreiknað eldsneytisgjald síðustu daga til góðgerðarsamtaka.  Aðrir framlagsþegar, að sömu upphæð, voru Mæðrastyrksnefnd, Fjölskylduhjálpin og Umhyggja.  Ekki þarf að fjölyrða um hversu mikið þetta framlag mun styrkja starf samtakanna og byggja sterkari stoðir undir starfsemi þeirra.  Stjórnin þakkar því N1 fyrir rausnarlegt framlag og fyrir að hafa samtökin með í svo virtum hópi góðgerðarsamtaka.