Hagsmunasamtök heimilanna telja rétt að vara almenning við því að undirrita nýja samninga byggða á endurútreikningum sem varða gengisbundin lán og afturvirka vexti af þeim. Þau lög sem viðkomandi endurútreikningar byggja á (151/2010) stríða beinlínis gegn neytendarétti Evrópu eins og kemur fram í umsögn Umboðsmanns skuldara um lögin, en íslendingar hafa innleitt neytendavernd samkvæmt Evrópurétti.  Þá veitir Stjórnarskrá Lýðveldisins Íslands þegnum landsins grundvallar vernd gegn aðför að eignarrétti þeirra, sem og afturvirkrar skattheimtu og íþyngjandi álaga hvers konar.

Ályktun Hagsmunasamtaka heimilanna um skýrslu Velferðaráðuneytisins: Neysluviðmið fyrir íslensk heimili.

Að mati Hagsmunasamtaka heimilanna ber að líta útgáfu skýrslu velferðarráðuneytisins  jákvæðum augum.  Mikilvægt er þó að hafa í huga að þau neysluviðmið sem kynnt eru í skýrslunni endurspegla ekki raunframfærslukostnað eða lágmarks framfærslukostnað heldur rauntölur um neyslu fólks á Íslandi seinustu ár.

Hagsmunasamtök heimilanna gleðjast yfir nýföllnum dómum í Héraðsdómi Reykjavíkur sem dregur fjármálastofnanir til ábyrgðar á markaðsmisnotkun og fyrir ranga upplýsingagjöf til viðskiptavina/stofnfjáreigenda sinna, enda byggir niðurstaða þeirra á því að lántakendur voru blekktir.

Stjórn Hagsmunasamtaka heimilanna (HH) beinir þeim orðum til verkalýðsforystunnar að leiðrétting lána og afnám verðtryggingar er sú kjarabót sem bróðurpartur íslenskrar alþýðu kallar eftir.  Í yfirstandandi kjarasamningaviðræðum ber verkalýðsforystunni skylda til að láta sig þetta málefni varða ef henni er raunverulega annt um hagsmuni sinna félagsmanna.

Almennur félagsfundur Hagsmunasamtaka heimilanna haldinn í Reykjavík 15. Janúar 2011 samþykkir eftirfarandi ályktun.

Fundurinn krefst þess að fjárskuldbindingar almennings verði leiðréttar fyrir afleiðingum banka og gjaldeyrishruns 2008.

Staða lántaka verði þannig jöfnuð gagnvart innstæðueigendum sem fengu hlut sinn fyrirhafnarlaust bættan með ákvörðun stjórnvalda.

Nauðungarsölur og afborganir lána verði tafarlaust stöðvaðar og ekki heimilaðar að nýju fyrir en hlutur lántaka hefur verið réttur.

Þá hvetur fundurinn alla til að mæta á Austurvöll eða á torgum byggðarlaga sinna mánudaginn 17. janúar 2011 kl. 16:30 til að tjá hug sinn gagnvart stjórnarfarinu og ástandinu í landinu.

Aðgerðarpakkar ríkisstjórnarinnar í skuldavanda heimilanna voru hannaðir af fjármálastofnunum fyrir fjármálastofnanir með þrönga hagsmuni fjármálafyrirtækja og ríkissjóðs til skamms tíma að leiðarljósi. Þó mörg úrræði hafi verið sett fram sem “skjaldborg fyrir heimilin” einkennast þau öll af firringu á ábyrgð og kostnaði hrunsins er áfram fleytt yfir á varnarlaus heimilin. Það sama á við um meintar samningaviðræður fyrir jól um málið, sem var í reynd undirritun ríkisstjórnarinnar á afarkostum fjármálastofnana.

Fjölmiðlar hafa að undanförnu fjallað um niðurstöðu skýrslu franska rannsóknarfyrirtækisins Cofisys um rekstur Glitnis og Landsbankans í aðdraganda bankahrunsins.  Fram hefur komið að Landsbankinn hafi beitt blekkingum og að Glitnir hafi starfað í skjóli falskra reikninga.  Kjarninn í málflutningi Hagsmunasamtaka heimilanna frá stofnun þeirra hefur meðal annars grundvallast á þeirri afstöðu lán almennings beri að leiðrétta vegna þeirra ranginda sem lánveitendur hafi beitt viðskiptavini sína.

Ályktun stjórnar Hagsmunasamtaka heimilanna vegna viljayfirlýsingu um aðgerðir vegna skuldavanda heimilanna

Stjórn Hagsmunasamtaka heimilanna vill koma því á framfæri að samtökin eru ekki aðili að ,,Viljayfirlýsingu um aðgerðir vegna skuldavanda heimilanna“ sem kynnt var 3. desember 2010 af hálfu stjórnvalda. Stjórn HH ítrekar kröfur samtakanna um almenna leiðréttingu lána vegna þess forsendubrests sem varð og hafnar kynntri aðferðafræði við úrlausn skuldavandans.

HVATNINGARPAKKI HEIMILANNA
Hagsmunasamtök heimilanna lögðu fram tillögur sínar um efnahagsaðgerð til leiðréttingar á skuldum heimilanna strax í janúar 2009. Núverandi tillögur að þjóðarsátt eru byggðar á þeim tillögum. Í grunninn hafa tillögurnar ekki breyst vegna þess að þær hafa staðist tímans tönn og í reynd hefur sýnt sig að varnaðarorð HH áttu við rök að styðjast. Megin markmið aðgerða eru tvö: Upprisa efnahagslífs og réttlæti/sanngirni.

Af gefnu tilefni vill stjórn Hagsmunasamtaka heimilanna koma eftirfarandi á framfæri.

Yfirlýsingu og ásetning samtakanna um lýðræðisleg vinnubrögð má ekki skilja sem svo að stjórn samtakanna sé yfir gagnrýni hafin. Samtökin geta ekki tekið ábyrgð á slíkri túlkun samþykkta HH. Samþykktirnar og vísanir í þær eru gerðar af einlægum vilja til góðra verka fyrir samfélagið. Ef stjórnarmeðlimir hafa með orðum sínum gefið tilefni til annarrar túlkunar en liggur í orðanna hljóðan, biðjum við þá sem hlut eiga að máli að vísa á tilfellin, annaðhvort með skeyti á netfang samtakanna Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það. eða opinberlega eftir efni og aðstæðum. Nákvæmni og marktækur rökstuðningur eru mikilvæg í þessu sambandi.

Um Hagsmunasamtök heimilanna