HAGSMUNASAMTÖK HEIMILANNA

Á næstu dögum munu birtast í heimabanka valkvæmir rafrænir greiðsluseðlar hjá félagsmönnum Hagsmunasamtaka heimilanna. Skýrt skal tekið fram að greiðsla félagsgjalda er ekki skilyrði fyrir félagsaðild og eru því greiðsluseðlarnir valkvæmir og falla sjálfkrafa niður 1. apríl 2011. Félagsmenn geta einnig breytt styrktarupphæð hvort sem það er lækkun eða hækkun framlags. Að sjálfsögðu eiga engir vextir eða gjöld að falla á seðlana þó ekki sé greitt á uppsettum gjalddaga eða eindaga. Þessar dagsetningar eru eingöngu leiðbeinandi.

Mikill fjöldi félagsmanna hefur lagt fram frjáls framlög inn á reikning félagsins að eigin frumkvæði alveg frá stofnun samtakanna. Stjórn HH þakkar öll framlög, þau hafa eflt starf samtakanna mikið og satt best að segja gert starf samtakanna mögulegt. Ýmis fyrirtæki félagsmanna hafa einnig lagt samtökunum lið bæði með fjárframlögum og aðgangi að tíma og sérþekkingu starfsmanna. Þessi óeigingjörnu samfélagslegu framlög eru gríðarlega mikilvæg og við kappkostum að þau nýtist þjóðinni til farsældar.

18. maí 2009 barst Seðlabankanum erindi frá Hagsmunasamtökum heimilanna þar sem SÍ var spurður hvort bankinn hefði athugað lögmæti gengistryggðra lána og hver skoðun Seðlabankans væri ef einhver.

4. júní barst svar frá SÍ en það má lesa í heild sinni hér.

Við viljum vekja athygli á eftirfarandi í svari Seðlabankans:

"Af bréfinu má ráða að tilgangur framangreindrar beiðni sé að nota hina umbeðnu rökstuddu afstöðu Seðlabanka Íslands til lögmætis gengistryggðra skuldabréfa sem eins konar úrskurð vegna hinna íþyngjandi fjárhagslegu aðstæðna sem veik staða krónunnar og hrun efnahagskerfisins hafa skapað fyrir lántakendur gengistryggðra íbúðalána.

Seðlabanki Íslands telur að það sé ekki í verkahring bankans að vera álitsgjafi eða úrskurðaraðili fyrir einkaaðila hér á landi í slíkum málum. Eðlilegra sé að mati bankans í því sambandi að leita til lögmannsstofa eða dómstóla."

Í ljósi þessa svars sem er gefið eftir að bankinn var búinn að kanna lögmæti lánanna má spyrja hvers vegna Seðlabanki Íslands gerist ári síðar álitsgjafi og úrskurðaraðili í þessu máli einkaaðila með sérstökum tilmælum til lánastofnana um vexti lánanna?

Svar FME við sömu fyrirspun HH var í svipuðum dúr og svar SÍ (bréf þeirra barst okkur 18. des. 2009). Lesa má svar FME hér en óhætt er að segja að svarið hafi vakið nokkra undrun stjórnar HH þ.e. tilvísanir í eftirlitshlutverk FME með "starfsemi eftirlitsskyldra aðila" ???

Marinó G Njálsson stjórnarmaður HH fjallar á bloggi sínu um þögn Seðlabankans yfir lögfræðiáliti sem þeir fengu 12. maí 2009 um lögmæti gengistryggðra lána.

"Tveir þingmenn Hreyfingarinnar, Margrét Tryggvadóttir og Þór Saari, sendu áðan tölvupóst til formanna viðskiptanefndar og efnahags- og skattanefndar.  Afrit var sent á nefndarmenn, fjölmiðla og auk þess sem hann var birtur á síðu Hreyfingarinnar.  Því miður hafa fjölmiðlar ekki ennþá séð ástæðu til að fjalla um málið, því þar er varpað fram einhverri stærstu sprengjum sem varpað hefur verið inn í umræðuna um lögmæti gengistryggingarinnar."

Lesa alla greinina.

Arnfríður Einarsdóttir héraðsdómari kann að hafa gefið sterkt fordæmi fyrir aðlögun samninga vegna forsendubrests með dómi sínum 23. júlí 2010. Dómurinn er reyndar nokkuð óvenjulegur því forsendurbrestur lánsins er vegna lögbrota þess aðila sem sækir málið og honum er einhvernvegin snúið til að dæma brotaaðilanum í hag. Svo virðist sem héraðsdómarinn líti á dóm hæstaréttar sem forsendubrest fremur en lögbrotið að baki þeim dómi. Hvað sem því líður er kötturinn úr sekknum. Komið er fordæmi fyrir notkun forsendubrests til breytingar á ákvæðum lánasamninga AFTURVIRKT. Þetta er því TÆR SNILLD! Lántakar verðtryggðra lána verða ævinlega þakklátir Arnfríði fyrir þessa aðstoð í baráttunni fyrir leiðréttingu verðtryggðra lána.

Með þessari grein var áður mynd af manneskju sem er óviðkomandi þessu máli. Myndin hefur verið fjarlægð og eru viðkomandi beðin afsökunar á þessum mistökum.

Hagsmunasamtök heimilanna furða sig á þeirri niðurstöðu héraðsdóms sl. föstudag, að bæta skuli lögbrjóti upp forsendubrest sem varð til vegna lögbrota hans.  Dómarinn fríar lögbrjótinn frá því að taka ábyrgð á lögbroti sínu og í reynd verðlaunar hann, ef dómurinn verður fordæmisgefandi fyrir gengistryggð húsnæðislán.  Samtökin telja einnig að dómurinn gangi gegn c-lið 36. gr. laga nr. 7/1936 um samningsgerð, umboð og ógilda löggerninga, en í 2. mgr. segir:

Ritstjóri vefs HH vill vekja athygli lesenda á nýju bréfi Gunnars Tómassonar til Alþingismanna. GT bendir á mál sem eru mikið áhyggjuefni þ.e. að sú hugmyndafræði sem byggt hefur verið á við fjármálastjórn ríkja eins og Íslands gangi ekki upp. Þetta eru ekki bara fræðilegar vangaveltur lengur, almenningur hefur fengið að finna á eigin skinni hverjar afleiðingarnar eru.

Ágætu alþingismenn.

Fyrirhuguð endurreisn íslenzka hagkerfisins lætur á sér standa, svo vægt sé til orða tekið.

Verg landsframleiðsla (VLF) 2009 drógst saman um 6,5% á föstu krónuverði (upphafleg spá var 9,5%) en verðmæti VLF í gjaldeyri (dollurum) minnkaði um 28% (upphafleg spá var 20%).  Eins og nánar er rakið í hjálögðu bréfi mínu dags. 26. apríl sl. til Poul M. Thomsen, yfirmanns AGS í málefnum Íslands, gerir AGS ráð fyrir því að VLF á föstu krónuverði 2013 verði 4,3% hærra en VLF ársins 2008 en 25% lægra reiknað í gjaldeyri.  Í bréfinu setti ég fram ákveðnar athugasemdir varðandi greiðsluþol Íslands með hliðsjón af Brussel Icesave-viðmiðunum sem Mr. Thomsen hefur ekki tjáð sig um.

Þessi grein birtist á svipan.is. Við hvetjum fólk til að lesa þetta og hugleiða það sem Tryggvi er að segja. Bæti við hjá Tryggva að lögmennirnir Björn Þorri Viktorsson hrl (llaw.is) og Ragnar Baldursson hrl. (pacta.is) eiga einnig heima í "kredit listanum". Það eru jú þeir sem leiddu þau lögmannateymi sem unnu málaferlin gegn fjármálafyrirtækjunum.

Útdráttur:

"Íslenskur kunningi minn, búsettur í Bandaríkjunum, kom í heimsókn. Talið barst að dómi Hæstaréttar um ólöglegu myntkörfulánin. Þá sagði hann: „Ég botna ekkert í þessu, í Bandaríkjunum hefði lögreglan verið komin í þessi lánafyrirtæki strax eftir að dómur féll og leitt stjórnendur þeirra og út í járnum“.

Ekki veit ég hvort það sé rétt, en er ekki eitthvað að hjá okkur?" Lesa alla greinina hér á svipan.is

Að áskorun formanns stjórnar HH ákvað stjórn Sparnaðar ehf að gefa frjálsan aðgang að reiknivél sem þeir hafa þróað fyrir gengistryggð lán. reiknivélin er í formi skjals fyrir töflureikni. Sparnaður brást fljótt og vel við ákoruninni og má nú hlaða reikninum niður af vefsíðu þeirra hér.

Það er von stjórnar HH að reiknivélin gefi fólki einhverjar hugmyndir um stöðu sinna mála en ekki er þó hægt að reikna með að nákvæm niðurstaða fáist í hverju máli með svo almennu tóli. Stjórn HH vísar á Sparnað ehf og vefsíðu þeirra varðandi allar frekari fyrirspurnir um þetta mál. Eins og gengur með þróun húgbúnaðartóla er þetta væntanlega verkefni í þróun. Við reiknum því með að Sparnaður ehf þiggi með þökkum allar ábendingar frá notendum um betrumbætur reiknivélarinnar. Þeir hafa tekið ábendingum HH mjög vel og reynt eftir fremsta megni að bæta og breyta eftir okkar ábendingum.